Jesoiya 59:9 - Pennsylvania Dutch Bible

⁹ So di leit iahra recht is veit vekk funn uns, un gerechtichkeit langd uns nett. Miah gukka fa gerechtichkeit, avvah alles is dunkel, fa helling, avvah miah lawfa im deefa shadda.

Jesoiya 59:9 交叉參考

Jesoiya 5:30

In sellah dawk zayla si roahra drivvah so vi da say roaht. Un vann ebbah ivvah's land gukt, dann saynd eah's dunkla un da angsht. Even's licht is dunkel gmacht bei di volka.

Hiob 30:26

Avvah vo ich koft habb fa goodes sayna, is evil kumma; vo ich gvoaht habb fa helling, is es dunkla kumma.

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Habakuk 1:13

Dei awwa sinn zu rein es du evil nett ohgukka kansht, un du kansht's nett shtenda fa leit sayna letz du. Favass alawbsht du dee shlichticha leit gay? Favass bisht du shtill vann di gottlohsa selli ufshlukka es may gerecht sinn es si?

Micha 1:12

Selli es in Mavoth voona sinn am voahra fa's bessah havva, fa shreklichi sacha fumm Hah sinn runnah kumma, biss an's doah funn Jerusalem.

Jeremia 14:19

Hosht du uns gans nunnah gedrayt? Dusht du Zion hassa? Favass hosht du uns so hatt kshlauwa es miah nett kayld sei kenna? Miah henn gvoaht fa fridda, avvah nix goodes is kumma. Miah henn gvoaht fa kayld sei, avvah miah henn yusht may angsht grikt.

Jeremia 8:15

Miah henn koft fa fridda, avvah's is nix goodes kumma. Miah henn koft fa kayld vadda, avvah miah sinn yusht fagelshtaht vadda.

Psalm 82:5

Dee gettah vissa nix, un fashtayn nix, si lawfa rumm im dunkla; awl di foundations funn di eaht sinn kshiddeld.

Shpricha 4:19

Avvah da vayk funn di gottlohsa is vi's dunkla, si kenna nett sayna vass si drivvah shtolbahra.

Jesoiya 8:21

Si zayla bedreebt un hungahrich deich's land gay. In iahra hungah zayla si bays sei un iahra kaynich un iahra Gott faflucha diveil es si nuff-zuss gukka.

Jesoiya 8:22

No gukka si geyyich di eaht un sayna yusht dreebsawl un finshtahnis. Si sinn im dunkla un in angsht un zayla in di finshtahnis gedrivva sei.

Jesoiya 59:8

Da vayk funn fridda doon si nett kenna, di leit iahra recht is nett in iahra pawda; si henn iahra pawda grumm gmacht, un veah-evvah es druff lawft, kann nett fridda havva.

Jesoiya 59:11

Miah gnarra vi beahra, miah yammahra vi dauva; miah gukka fa unsah recht, avvah finna's nett, fa saylichkeit, avvah's is veit vekk.

Jesoiya 59:14

Di leit iahra recht is zrikk gedrivva, un gerechtichkeit is veit vekk; di voahheit hott kshtolbaht in di shtrohsa, un ufrichtichkeit kann nett nei gay.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Glawk-Leedah 3:2

Eah hott mich gedrivva un mich gmacht lawfa, im dunkla un nett im licht.

Glawk-Leedah 4:14

Nau lawfa si rumm deich di shtrohsa, vi mennah es blind sinn. Si sinn so unrein gmacht mitt bloot, es nimmand iahra glaydah ohrayya dauf.

Amos 8:9

“In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Hiob 19:8

Eah hott mei vayk zu gmacht so es ich nett gay kann; eah hott mei pawda dunkel gmacht.