Jesoiya 59:6 - Pennsylvania Dutch Bible

⁶ Di shpinna neshtah sinn nix veaht fa glaydah; un's sach es si macha dekt si nett zu. Iahra verka sinn evil, un vass si doon, doon si mitt unfashtand.

Jesoiya 59:6 交叉參考

Jeremia 6:7

Vi en shpring iahra vassah lawfa lost, so lawft ungettlichkeit aus iahra. Ma heaht di yacht funn shtoft am veeshtahlich fadauva vadda, maddahrei un nunnah-shlauwes dreibt see alli dawk.

Jesoiya 57:12

Ich zayl dei gerechtichkeit un verka abdekka, un si zayla diah nett helfa.

Zephania 1:9

Uf sellah dawk zayl ich selli shtrohfa es ivvah di shvella dredda, selli es iahra meishtah sei haus filla mitt shtoft deich shtayla un doht macha.

Micha 6:12

Di reicha leit in di shtatt doon feel shlechti sacha, si sawwa leeya un henn falshi zunga in iahra meilah.

Micha 2:8

Katzlich henn mei leit sich ohkshikt es vi feinda. Diah nemmet di vemmes funn leit es fabei gayn, funn leit es am fabei gay sinn un am nix fanemma. Si sinn vi leit es am zrikk kumma sinn fumm greek.

Amos 6:3

Diah doond sellah evil dawk ab, avvah vass diah doond, bringd sellah shreklich dawk yusht naychah.

Amos 3:10

“Si vissa nett vi ma recht dutt,” sawkt da Hah, “selli es kshtohla sach shtoahra in iahra kaynich-heisah es gnumma voah mitt gvald.”

Ezekiel 7:23

Rishtet kedda, veil's land foll bloot-fageeses is un di shtatt foll gvaldichah unfashtand is.

Ezekiel 7:11

Unfashtand is ausgvaxa un is en shtamm vadda funn ungettlichkeit. Kens funn eena bleibt ivvahrich, un aw nett iahra feel sacha un geld. Un nimmand zayld heila fa si.

Jesoiya 64:6

Awl funn uns sinn vadda vi selli es unrein sinn; awl unsah gerechti verka sinn vi drekkichi lumba, miah favelka vi bleddah un unsah sinda drawwa uns vekk vi da vind.

Jesoiya 58:4

Gukket moll, diah fashtet, avvah no zaddet diah un fechtet, un shlauwet nannah mitt ungettlichi feisht. Fashta vi diah doond heit, macht eiyah shtimm nett keaht sei in di hay.

Jesoiya 30:1

“Vay zu di shteibahricha kinnah,” sawkt da Hah, “dee es ausmacha vass zu du unni mich, dee es sich en bund macha mitt anri unni mei Geisht, un heifla ay sind noch di annah uf sich.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Psalm 58:2

Nay, in eiyah hatza shaffet diah ungerechtichkeit; uf di eaht doon eiyah hend evil shaffa mitt gvald.

1. Mosi 6:11

Di eaht voah foll unreinichkeit in Gott sei awwa, un voah kfild mitt ungettlichkeit.

Hiob 16:17

Avvah mei hend henn nimmand ebbes gedu, un mei gebayt is rein.

Ezekiel 18:12

letz dutt zu di oahma un selli in noht, rawbt si un hald vass eah haybt diveil es eah ebbah ebbes laynd, haybt sei awwa uf zu di abgettah un dutt grausami sacha,

Maleachi 2:16

Da Hah, da Gott funn Israel, sawkt, “Ich hass es divorce-shreives. Ich hass vann ebbah letz dutt mitt unfashtand un's zu dekt mitt sei glaydah.” So sawkt da Awlmechtich Hah. So gevvet acht un brechet nett's bund es diah gmacht hend mitt eiyah fraw.

Psalm 55:11

Fadeahves is ivvahrawlich am ohgay in di shtatt, leit vadda nunnah gedredda un vadda uneahlich gyoost in di shtrohsa.

Ezekiel 9:9

No hott eah ksawt zu miah, “Di sinda fumm haus funn Israel un Juda sinn oahrich grohs; es land is foll bloot-fageeses, un di shtatt gebt nimmand sei recht. Si sawwa, ‘Da Hah hott's land falossa; da Hah saynd dess nett.’

Zephania 3:1

Vay zu di shteibahrich un unrein shtatt es iahra leit nunnah drett.