Jesoiya 5:27 - Pennsylvania Dutch Bible

²⁷ Nimmand funn eena is meet un shtolbaht, nimmand is shlayfahrich un shlohft; nett en belt um da bauch rumm is lohs-kshnald, nett en shoo-bendel is farissa.

Jesoiya 5:27 交叉參考

Hiob 12:18

Eah macht di kaynicha frei es gebunna sinn, un bind en duch um iahra bauch rumm.

Hiob 12:21

Eah gukt nunnah uf di evvahshta, un macht's belt lohs funn di mechticha.

Daniel 5:6

No is sei ksicht veis gedrayt, un eah hott sich so oahrich kfeicht es sei gnee ohkfanga henn zammah shlauwa un sei bay henn kenn grefta may katt.

Jesoiya 45:5

Ich binn da Hah, un's is kenn anrah, es hott kenn Gott unni yusht mich; ich gebb diah graft, even vann du mich nett kensht,

Jesoiya 45:1

“Dess is vass da Hah sawkt zumm Cyrus, sei ksalbdah, deah es ich gnumma habb bei sei rechtsi hand, so es eah di heida-lendah ivvah-nemd fannich eem, un di kaynicha iahra greeks-ksha nemd funn eena, so es di deahra uf sinn fannich eem, un di doahra nett zu sinn:

Jesoiya 11:5

Gerechtichkeit zayld um sei bauch rumm sei, un shtandhaftichkeit zayld um sei hiftza rumm sei.

Psalm 93:1

Da Hah is kaynich, un is geglayt in hallichkeit; da Hah is geglayt in hallichkeit un ohgedu mitt graft. Eah hott di veld fesht gegrund un see kann nett gmooft sei.

Psalm 18:32

Es is Gott es mich shteik macht, eah macht mei vayk grawt.

1. Kaynicha 2:5

Nau du vaysht vass da Joab, di Zeruia iahra boo, gedu hott zu miah, sell vass eah gedu hott zu Israel iahra zvay feld-hauptmennah, da Abner, em Ner sei boo, un da Amasa, em Jether sei boo. Eah hott si doht gmacht un hott bloot fagossa an en zeit funn fridda es vann's sei feinda in greeks-zeit gvest veah. Eah hott greeks-bloot uf's belt um sei bauch rumm, un uf di shoo am sei fees gedu.

5. Mosi 32:25

Draus im uffena kumma si um mitt em shvatt, un inseit sinn si shreklich fagelshtaht. Yungi mennah un mayt kumma um, un aw di boblen un groh-hoahrichi mennah.

Matthäus 3:4

Deah do Johannes hott glaydah gvoahra es gmacht voahra funn kamayla hoah un eah hott en shtikk leddah um sich rumm gvoahra. Sei ess-sach voah hoi-shrekka un vildah hunnich.

Shpricha 3:23

No zaylsht du dei vayk lawfa unni kfoah, un dei foos zayld nett shtolbahra.