Jesoiya 5:20 - Pennsylvania Dutch Bible

²⁰ Vay zu selli es evil goot haysa un's gooda evil haysa, selli es es dunkles licht haysa un's licht dunkles haysa, selli es biddah sees haysa un's seesa biddah haysa.

Jesoiya 5:20 交叉參考

Shpricha 17:15

Di shuldicha frei gay lossa, adda di unshuldicha shtrohfa— da Hah hast si awl zvay.

Lukas 16:15

No hott eah ksawt zu eena, “Diah sind selli vo gukka vella vi gerechti mennah fannich di leit, avvah Gott vayst vass in eiyah hatza is. Fasell vass hohch uf kohva is fannich leit, is en hass fannich Gott.”

Maleachi 2:17

Diah hend da Hah meet gmacht mitt eiyah vadda. Avvah diah frohwet, “Vi henn miah een meet gmacht?” Bei sawwa, “Selli es evil doon sinn goot im Hah sei awwa, un eah is froh mitt eena,” adda “Vo is da Gott es shtrohfa dutt?”

Hiob 17:12

Dee mennah vella di nacht zu dawk drayya; diveil es es dunkel is, sawwa si's licht is nayksht.

2. Petrus 2:1

Avvah's voahra aw falshi brofayda unnich di leit, grawt vi falshi teetshahs unnich eich sei zayla. Si zayla kfeahlichi lanning hinna rumm rei bringa, un zayla even da Hah falaykla vo si gekawft hott. Deich dess bringa si bletzlichi fadamnis uf sich selvaht.

Amos 5:7

Dess is fa eich es leit iahra recht zu biddahnis drayya, un di gerechtichkeit uf da bodda shmeisa.

Maleachi 3:15

So nau sawwa miah di shtolsa leit sinn ksaykend. Di gottlohsa doon nett yusht zu nemma, avvah si broviahra Gott aus un kumma vekk mitt.’”

Jesoiya 24:9

Si drinka nimmi vei un singa, da vei is biddah zu di drinkah.

Jesoiya 30:10

Si sawwa zu di saynah, “Gukket nimmi fa visions,” un zu di brofayda, “Broffetzeiyet nett zu uns vass recht is! Sawwet uns blesiahlichi sacha, losset uns gay in unsah blindi vayya.

Habakuk 1:4

Fasell is es ksetz fa'acht, un di leit iahra recht nee nett ufkohva. Di gottlohsa fensa di gerechta ei, un iahra recht vatt fadrayt.

2. Mosi 23:7

Du solsht nix zu du havva mitt ebbah letz blayma, un shikk kenn unshuldichah un gerechtah mensh zu seim doht. Ich hays di shuldicha nett unshuldich.

5. Mosi 25:1

Vann's shtreit gebt zvishich mennah dann sella si di sacha richta lossa bei di richtah. Si sella ausmacha veah shuldich is un veah nett is.

Shpricha 4:17

Si essa's broht funn ungerechtichkeit, un drinka da vei funn gvald.

Jesoiya 29:21

selli es macha es ebbah shuldich is bei iahra vatt, selli es en fall setza fa sellah es gricht vatt am doah, selli es falshi zeiya gevva fa ebbah sei recht vekk nemma.

Jesoiya 32:5

Selli unni veisheit zayla nimmi fanumma sei fa veisheit havva, un di uneahlicha fa eahlich sei.

Ezekiel 13:19

Diah hend mich faniddaht zu mei leit fa poah hend foll geahsht un bissel broht. Bei leeya zu mei leit es gleicha leeya heahra, hend diah selli iahra sayla doht gmacht es nett shteahva sedda un selli es nett layva sedda hend da glost layva.

Micha 3:2

Diah hasset vass recht is un leevet evil, diah zeeyet di haut ab funn mei leit, un reiset's flaysh funn iahra gnocha.