14 Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.
Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.
Un veidah, vei drinkes dutt da shtols mann fafiahra, so es eah shtols un unruich is. Eah is greedich vi's grawb, un vi da doht, is nee nett zufridda. Eah sammeld awl di heida zu sich selvaht, un geddaht awl di leit zu sich.
En blatz funn feiyah voah shund lang grisht. Yau, eah voah grisht fa da kaynich. Dee feiyah-pitt voah deef un brayt gmacht mitt blendi feiyah un hols. Da ohften fumm Hah, so vi en brennichah shvevvel shtrayma zayld's ohshtekka.
Es grawb unna drunnah is uf kshtatt, am voahra fa dich ohdreffa vann du moll kumsht. Es risht di geishta funn di dohda, selli vo di evvahshti funn di eaht voahra. Es macht si uf shtay funn iahra kaynich-shteel, awl selli es kaynicha funn di heida voahra.
Si henn gessa un gedrunka, un si henn keiyaht un henn sich heiyahra glost, biss an da dawk vo di sindfloot kumma is un hott si awl doht gmacht. Da Noah voah shund in di oahrich nei ganga.
Grawt vi shohf, iahra dayl is es grawb, da doht is iahra shohf-heedah. Di ufrichticha zayla ivvah si roola meiya-free, un iahra leib zayld kshvind fazeahra im grawb un datt missa si bleiva, veit vekk funn iahra deiyahri haymeda.
Di eah un di yacht es du gmacht hosht mitt harfa, is nau do runnah gebrocht vadda in's grawb. Niss funn veahm sinn dei bett unnich diah, un di veahm sinn dei dekk.
