23 Eah bringd roolahs zu nix un macht di richtah funn di eaht nix veaht.
eah macht shpott un fa'acht di evvahshta, un macht si rumm lawfa draus im veeshta vo kenn vayk is.
Eah gukt nunnah uf di evvahshta, un macht's belt lohs funn di mechticha.
Iahra evvahshti zayla nix datt havva es si en kaynich-reich haysa kenna, un iahra foah-gengah zayla nimmi datt sei.
Da Awlmechtich Hah hott dess gedu, fa iahra shtolsheit un hallichkeit vekk nemma, un fa awl selli daymeedicha es hohch gacht sinn uf di eaht.
Eah nemd da moot vekk funn di roolahs, un di kaynicha funn di eaht feicha sich veyyich eem.
Vay zu selli es sich selvaht sayna mitt veisheit, un mayna si sinn shmeaht.
Ich mach da richtah unnich eena doht, un aw awl di evvahshta unnich eena.” So sawkt da Hah.
Eah fiaht di preeshtah vekk un daymeedicht si, un macht selli falla es mechtich sinn.
Di hohcha awwa fumm mann vadda gedaymeedicht, un di shtolsa mennah vadda niddah gebrocht; Da Hah laynich zayld hohch ufkohva sei in sellah dawk.
Da Awlmechtich Hah zayld en dawk havva, vo eah geyyich awl di hohcha un shtolsa is, geyyich alli-ebbah es sich ufblohst. Si zayla niddah gebrocht vadda.
