Jesoiya 32:6 - Pennsylvania Dutch Bible

⁶ Sellah unni veisheit sawkt dummi sacha, un sei meind denkt evili sacha. Eah gayt ungettlichi sacha nohch, un sawkt letzi sacha veyyich em Hah, di hungahricha lost eah hungahrich, un funn di dashticha hald eah's vassah vekk.

Jesoiya 32:6 交叉參考

Matthäus 15:19

Fa aus em hatz kumma shlechti gedanka, maddahrei, aybruch, huahrahrei, shtaylahrei, falshi zeiya, leshtahra.

Matthäus 23:13

Es zayld vay sei zu eich shrift-geleahrah un Pharisayah, diah heichlah, veil diah's Himmel-Reich zu machet zu leit. Diah gaynd nett selvaht nei, un diah alawvet aw nett anri nei vo nei gay vella.

Jesoiya 3:15

Vass maynet diah bei mei leit nunnah dredda, un bei di oahma iahra ksichtah famawla?” So sawkt da Hah, da Awlmechtich Hah.

1. Samuel 24:13

Vi es ald shprich-vatt sawkt, ‘Funn di gottlohsa kumma gottlohsi verka,’ so zayld mei hand dich nett ohrayya.

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.

Amos 8:6

Miah kenna no di oahma kawfa mitt geld, un selli in noht mitt en poah shoo. Miah kenna no da drekk uf em bodda ufkeahra un en fakawfa mitt em vaytza.

Jeremia 13:23

Kann en mann sei haut en anrah kollah macha, adda en leopard sei blakka abnemma? Grawt so kansht du nett goot du veil du gegvaynd bisht fa letz du.

Jesoiya 9:17

Fasell dutt da Hah sich nett froiya ivvah iahra yungi mennah, un eah davvaht aw nett di kinnah unni eldra un di vitt-veivah, veil alli-ebbah gottlohs un ungerecht is un alli maul shvetzt evili sacha. Avvah fa awl sell, sei zann lost nett nohch, sei shtrohf-hand is alsnoch naus kshtrekt.

Shpricha 19:3

En unksheidah mann fadaubt's fa sich selvaht, avvah no vatt eah bays un pshuldicht da Hah.

Psalm 141:4

Hald mei hatz funn gedrayt sei zu evil, so es ich kenn dayl habb in gottlohsi sacha mitt mennah es evil shaffa. Loss mich nett essa vass si gleicha essa.

Shpricha 24:7

Veisheit is zu deef fa en unksheidah mann, eah macht sei maul nett uf in di fasamling am doah.

Jesoiya 10:2

so es si di evvahsht-hand greeya kenna funn vitt-veivah un kinnah unni eldahra, un so es selli in noht iahra recht nett greeya, un di oahma funn mei leit iahra recht faliahra.

Jesoiya 10:6

Ich shikk een geyyich en gottlohs land; ich bitt een fa selli shlauwa es mich bays macha, fa iahra sach nemma un si rawva, un si nunnah shtamba vi drekk in di shtrohsa.

Jesoiya 26:10

Even vann gnawt gvissa vatt zu di gottlohsa, doon si alsnoch nett gerechtichkeit lanna; un even in en land es ufrichtich is, doon si alsnoch evil, un sayna nett di hallichkeit fumm Hah.

Jesoiya 31:2

Avvah eah aw hott veisheit, un shikt shreklichi sacha uf leit; eah gayt nett zrikk uf sei vadda. Eah shtayt uf geyyich selli es evil doon, un geyyich selli es evil-shaffah helfa.

Jesoiya 59:7

Iahra fees shpringa fa evil du, un si dumla sich fa unshuldich bloot fageesa. Iahra gedanka sinn shlechti gedanka; si lossa fadauves un faveeshtes hinnich sich.

Jesoiya 59:13

Miah henn uns geyyich da Hah kshteld un een falaykeld, miah henn unsah bikkel gedrayt geyyich unsah Gott. Miah henn anri nunnah gedredda un henn vekk gedrayt funn diah, un henn leeya ksawt es miah uf gmacht henn.

Daniel 12:10

Feel leit zayla rein un sauvah gmacht sei, avvah di ungettlicha zayla ohhalda ungettlich sei. Kens funn di ungettlicha zayla fashtay, avvah selli mitt veisheit zayla fashtay.

Ezekiel 34:18

Is es nett genunk es diah in goodi vayt feedahret? Misset diah di ivvahrich vayt nunnah dredda mitt eiyah fees? Is es nett genunk es diah sauvah vassah drinket? Misset diah's ivvahricha drekkich macha mitt eiyah fees?