Jesoiya 30:6 - Pennsylvania Dutch Bible

⁶ Dess is en foah-sawk veyyich di diahra funn di saut: Di botshaftah funn Juda gayn deich en land es dreebsawl un angsht hott, en land mitt kawdah layva, muddah layva, mitt giftichi shlanga un dracha shlanga es fleeya. Di botshaftah drawwa iahra reichi sacha uf di bikkel funn aysla un iahra keshtlich sach uf kamayla bikkel, zu sell land es nix veaht is zu eena,

Jesoiya 30:6 交叉參考

5. Mosi 8:15

Eah hott eich deich selli grohs un heslich vildahnis kfiaht, datt vo giftichi shlanga, scorpions un dashtichah grund unni vassah voah. Eah hott eich vassah aus em hadda shtay gebrocht.

Jeremia 11:4

di vadda es ich gebodda habb zu eiyah foah-feddah vo ich si aus Egypta gebrocht habb, aus em eisa-shmelsich offa.’ Ich habb ksawt, ‘Heichet mei shtimm ab un doond alles es ich eich gebodda habb. No zaylet diah mei leit sei un ich zayl eiyah Gott sei.

1. Kaynicha 10:2

See is in Jerusalem kumma mitt feel leit fa iahra abvoahra. Iahra kamayla voahra shveah glawda mitt edlichi shpeises, gold un keshtlichi shtay. See is zumm Solomon kumma un hott kshvetzt zu eem veyyich ennich ebbes es uf iahra meind voah.

5. Mosi 4:20

Avvah da Hah hott eich gnumma un eich raus gebrocht aus em gleedicha offa, aus Egypta, fa sei aykni leit sei, vi diah sind heit.

Matthäus 12:42

Di kaynich-fraw funn di saut zayld am gerichts-dawk geyyich di leit funn heit shtay un zayld si fadamma. See is fumm end funn di eaht kumma fa di veisheit fumm Solomon heahra, un's is ebbah graysahs do es da Solomon.

Hosea 12:1

Da Ephraim feedaht sich uf em vind, alli dawk gayt eah em east vind nohch, un macht may leeya un fadauves mitt gvald. Eah macht en bund mitt em land Assur, un shikt ayl zu Egypta.

Jeremia 2:6

Si henn nett kfrohkt, ‘Vo is da Hah es uns ruff aus Egypta gebrocht hott, un es uns deich di vildahnis kfiaht hott, deich's veesht, leah land, un deich's drukka un dunkel land, en land vo nimmand voond un nimmand deich gayt?’

Jesoiya 57:9

Du bisht zumm abgott Molech ganga mitt ayl, un mitt feel goot-shmakkich ayl. Du hosht leit mitt dei vatt veit vekk kshikt, even so veit es es grawb.

Jesoiya 19:4

Ich gebb di Egyptah ivvah zu en veeshtah roolah; en shreklichah kaynich zayld ivvah si roola.” Dess sawkt da Hah, da Awlmechtich Hah.

Jesoiya 15:7

Es feel sach es si grikt henn un sell es si ufkshtoaht henn, drawwa si ivvah di Grikk funn Veida-Baym.

Jesoiya 8:22

No gukka si geyyich di eaht un sayna yusht dreebsawl un finshtahnis. Si sinn im dunkla un in angsht un zayla in di finshtahnis gedrivva sei.

2. Chronik 16:2

Da Asa hott no's silvah un gold aus em shtoah-haus fumm Hah sei tempel gnumma, un aw aus seim kaynich-haus. Eah hott dee zumm Benhadad, da kaynich funn Syria, kshikt es am in Damascus voona voah.

2. Chronik 9:1

Vo di kaynich-fraw funn Sheba keaht hott vi bekand es em Solomon sei nohma is ivvahrawlich, is see zu Jerusalem kumma fa een ausbroviahra bei een haddi sacha frohwa. See is kumma mitt feel leit fa abvoahra uf see. Iahra kamayla voahra shveah glawda mitt shpeis, feel gold, un keshtlichi shtay. See is zumm Solomon kumma un hott kshvetzt zu eem veyyich ennich ebbes es uf iahra meind voah.

5. Mosi 17:16

Un deah kaynich soll nett feel geil zu sich nemma, adda di leit macha zrikk an Egypta gay fa may geil hohla, veil da Hah ksawt hott, “Diah sellet nee nimmi datt zrikk gay.”

2. Mosi 1:14

un henn iahra layva biddah gmacht mitt haddi eahvet, funn bakka-shtay layya biss alli sadda eahvet du in di feldah. In awl dee eahvet henn di Egyptah si veesht gyoost.

1. Mosi 12:9

No is da Abram on veidah sauda ganga.

4. Mosi 21:8

Da Hah hott ksawt zumm Mosi, “Mach en feiyahrichi shlang un du si uf en pohl. Vann ebbah gebissa vatt kann eah an di shlang gukka un layva bleiva.”

Jesoiya 5:30

In sellah dawk zayla si roahra drivvah so vi da say roaht. Un vann ebbah ivvah's land gukt, dann saynd eah's dunkla un da angsht. Even's licht is dunkel gmacht bei di volka.

Jesoiya 14:29

Froiyet eich nett, diah Philishtah, veil da shtokk es eich shlakt fabrocha is. Fa aus di vatzel funn di shlang kumd en giftichi shlang, iahra frucht zayld en shlang sei es fleekt.

Jesoiya 35:9

Kenn layb zayld datt sei, un kenn rawsich diah gayt druff, si vadda nett kfunna datt. Yusht di saylicha zayla datt lawfa.

Ezekiel 20:46

“Mensha-kind, dray dei ksicht geyyich di saut un shvetz naus geyyich di saut, broffetzei geyyich di busha im sauda-land.

Micha 6:14

Diah zaylet essa avvah nett satt sei; diah zaylet alsnoch hungahrich un leah sei. Diah zaylet sacha ufshtoahra un doch nix havva, veil ich's vekk nemm funn eich mitt em shvatt.

Sacharia 9:9

Froiyet eich oahrich, diah leit funn Zion! Greishet laut, diah leit funn Jerusalem! Gukket, eiyah kaynich is am zu eich kumma; eah is gerecht un hott saylichkeit, is daymeedich, un is am reida uf en donkey, sell is, uf en hutsh aus en donkey.

Hiob 39:11

Kansht du dich falossa uf een veil eah shteik is? Losht du dei shveahri eahvet fa een?

Hosea 12:2

Da Hah hott en shuld zu bringa geyyich Juda; eah zayld da Jakob shtrohfa fa sei vayya, eah zayld een zrikk betzawla fa vass eah dutt.

Sacharia 6:6

Da vauwa mitt di shvatza geil gayt geyyich di natt, sellah mitt di veisa geil gayt geyyich di west, un sellah mitt di shekkicha geil gayt geyyich di saut.”