Jesoiya 26:14 - Pennsylvania Dutch Bible

¹⁴ Si sinn nau doht un layva nimmi, di kshtauvana shtayn nett uf. Du hosht si kshtrohft un zu nix gebrocht, un hosht kenn gedenknis glost funn eena.

Jesoiya 26:14 交叉參考

Shpricha 10:7

Es ohdenkes funn di gerechta is en sayya, avvah da nohma funn di gottlohsa vatt glei fagessa.

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Psalm 106:28

Si henn sich ohkanka an da Baal-Peor, un henn opfahra gessa es gopfaht voahra zu dohdi abgettah.

Di Offenbarung 20:5

Avvah di ivvahricha funn di dohda sinn nett viddah levendich vadda biss di dausend yoah ivvah voahra. Dess is di eahsht uffashtayung funn di dohda.

Matthäus 2:20

un hott ksawt, “Shtay uf, nemm's kind un sei maemm mitt diah un gay in's land Israel. Dee vo em kind sei layva nemma henn vella sinn doht.”

Jesoiya 10:3

Vass zaylet diah du im gericht's dawk, im veeshta shtoahm es kumma zayld funn veit ab? Zu vemm shpringet diah no fa hilf, un vo losset diah no eiyah hallichkeit un eah?

Psalm 109:13

Loss sei nohch-kummashaft abkshnidda sei, loss sei kinds-kinnah iahra nohma ausgrivva sei in di zeit vo kumd.

Psalm 9:6

Di feinda sinn faddich fa'immah, du hosht iahra shtett zammah grissa, si sinn gans fagessa.

5. Mosi 4:28

Datt zayla diah abgettah funn hols un shtay deena es gmacht sinn mitt mensha hend, un es nett sayna adda heahra kenna, adda essa un shmakka kenna.

2. Mosi 14:30

Un sell voah vi da Hah Israel kaldah hott funn di hend funn di Egyptah sellah dawk. Israel hott di Egyptah ksenna doht leiya am say noch.

Jesoiya 26:19

Di dohda funn unsah leit zayla viddah layva, iahra leivah shtayn viddah uf. Vekket uf un singet mitt frayt, diah es unnich em shtawb leiyet. Dei dau is vi da meiya-dau uf di eaht, un di eaht bringd awl iahra dohdi raus.

Psalm 36:12

Datt leiya di evil-shaffah uf em bodda, si voahra nunnah kshmissa un kenna nimmi uf shtay.

Psalm 59:5

Oh Hah, Awlmechtichah Gott, du Gott funn Israel, vekk uf un shtrohf awl di heida. Sei nett bamhatzich zu selli es roht nemma fa evil du. (Sela)

Psalm 135:17

si henn oahra, avvah si kenna nett heahra, un si henn kenn ohften in iahra meilah.

Breddichah 9:5

Fa di levendicha vissa es si shtauva zayla, avvah di dohda vissa nix; si greeya nimmi veidah ennichah lohn, un nimmand denkt may an si.

Jesoiya 29:6

Da Awlmechtich Hah zayld kumma mitt gviddah, eaht-bayben un en grohsi yacht, mitt vind un shtoahm, un mitt flamm un en fazeahrich feiyah.

Jesoiya 37:19

Si henn di leit iahra gettah in's feiyah kshmissa un si fabrend. Avvah si voahra nett gettah avvah yusht hols un shtay es gmacht voahra mitt mensha hend.

Hiob 7:9

Vi en volk fagayt un is nimmi, so gayt en mensh nunnah in's grawb un kumd nimmi zrikk.

Hiob 18:17

Sei ohdenkes vatt fagessa uf di eaht, un eah hott kenn nohma im land.

Hiob 24:20

Iahra maemm es si gedrawwa hott fagest si; si vadda kfressa bei di veahm un vadda fagessa, ungettlichkeit vatt fabrocha vi en faulah bohm.