Jeremia 7:28 - Pennsylvania Dutch Bible

²⁸ Fasell, sawk zu eena, ‘Dess is es folk es di shtimm fumm Hah iahra Gott nett keicht hott, un es sei shtrohf nett ohgnumma hott. Di voahheit is kshtauva, un is nimmi uf iahra leftz.

Jeremia 7:28 交叉參考

Zephania 3:2

See heicht nimmand ab, un nemd kenn roht fa bessah du. See dutt iahra fadrauwes nett in da Hah, un gayt nett nayksht zu iahra Gott.

Jeremia 32:33

Si henn iahra bikkel gedrayt geyyich mich un nett iahra ksichtah; even vann ich si ivvah un ivvah gland habb, doch henn si's nett gedu fa mich abheicha un fa lanna.

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Zephania 3:7

Ich habb gedenkt veyyich di shtatt, ‘See zayld geviss mich nau firchta, un zayld sich recht setza lossa! No vatt iahra vohnung nett vekk gnumma, un mei shtrohf kumd nett uf see.’ Avvah di leit voahra yusht hitzich fa noch may letz du in alles es si doon.

Hosea 4:1

Heichet zumm Hah sei vatt, diah Kinnah-Israel, fa da Hah hott en shuld zu bringa geyyich eich es im land voona: “Es is kenn shtandhaftichkeit, leevi adda bekendnis funn Gott im land.

Jeremia 6:8

Nemm dee vanning, oh Jerusalem, adda ich dray mich vekk funn diah un mach dich in en veesht land es nimmand drinn voona kann.”

Jeremia 5:3

Oh Hah, sinn nett dei awwa am gukka fa di voahheit? Du hosht si kshlauwa, avvah si kshpiahra's nett; du hosht si shiah ausgrivva, avvah si henn sich nett fabessaht. Si henn iahra ksichtah haddah gmacht es shtay, un henn's nett gedu fa sich bekeahra.

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Jeremia 2:30

“Mei shtrohf uf eiyah kinnah voah fa nix; si henn's nett ohgnumma. Eiyah shvatt hott eiyah brofayda ufkfressa vi en rawsichah layb.

Psalm 50:17

Fa du hasht vass ich diah sawk fa du, un shmeisht mei vadda hinnich dich.

Jeremia 6:17

Ich habb vatsh-mennah ivvah eich ksetzt, un ksawt, ‘Heichet di yacht ab fumm blohs-hann.’ Avvah diah hend ksawt, ‘Miah zayla nett abheicha.’

Jeremia 11:10

Si sinn zrikk gedrayt zu di sinda funn iahra foah-feddah, selli es es nett gedu henn fa mei vadda abheicha. Si sinn anri gettah nohch ganga un henn si gedeend. Es haus funn Israel un's haus funn Juda henn awl zvay's bund gebrocha es ich gmacht habb mitt iahra foah-feddah.

Jeremia 17:23

Doch henn si nett keicht un henn sich nix drumm bekimmaht, si henn sich kshteibaht un mich nett abkeicht adda sich recht setza glost.

Psalm 12:2

Alli-ebbah leekt zu nannah; si shvetza gladdi vadda mitt iahra leftz un shvetza mitt zvay hatza.

Jesoiya 30:9

fa dess is en fashtokt folk un falshi kinnah, kinnah es es nett doon fa heicha vass da Hah sawkt.

Jeremia 6:28

Si sinn hatt-hatzich un shteibahrich, so hatt es bronze un eisa. Si shtroiya letzi kshvetzah, vi si unrein rumm heah gayn.