Jeremia 36:2 - Pennsylvania Dutch Bible

² “Nemm en buch un shreib awl di vadda nei es ich ksawt habb veyyich Israel, Juda un awl di anra lendah, siddah es ich ohkfanga habb shvetza zu diah an di zeit fumm Josia biss nau.

Jeremia 36:2 交叉參考

Jeremia 30:2

“Dess is vass da Hah, da Gott funn Israel, sawkt: ‘Shreib alles es ich ksawt habb zu diah in en buch.

Jeremia 25:3

Fa drei un zvansich yoah, fumm dreitzayda yoah es da Josia, em Amon sei boo kaynich funn Juda voah, biss deah do dawk is es vatt fumm Hah zu miah kumma, un ich habb ivvah un ivvah zu eich kshvetzt, avvah diah hend nett keicht.

Jeremia 1:10

Saynsht, heit setz ich dich ei fa ivvah lendah un kaynich-reicha sei, fa vatzla raus zeeya un nunnah reisa, fa fadauva un ivvah-shmeisa, un fa ufbauwa un blansa.”

2. Mosi 17:14

Da Hah hott no ksawt zumm Mosi, “Shreib dess in en buch es en zrikk-denkes, un sei shuah es da Joshua's heaht. Ich zayl even's ohdenkes fumm Amalek folshtendich ausreiva unnich em gansa himmel.”

Ezekiel 2:9

No habb ich gegukt un en hand voah naus kshtrekt zu miah. Un's voah en ufgrold shtikk babiah in di hand.

Jeremia 51:60

Da Jeremia hott in en buch kshrivva katt alles veeshtes es blatz nemma zayld veyyich Babylon; naymlich, alles es ufkshrivva voah veyyich Babylon.

Jeremia 36:23

Vann da Judi als zvay adda drei bleddah glaysa katt hott, hott da kaynich si abkshnidda mitt en glay messah un hott si in's feiyah kshmissa im feiyah-kessel biss es gans buch ufgebrend voah im feiyah.

Jeremia 36:6

So uf en fasht-dawk gay du un lays di vadda fumm Hah zu di leit fumm buch es du kshrivva hosht diveil es ich si foahksawt habb. Lays si zu awl di leit funn Juda es bei kumma funn iahra shtett.

Jesoiya 8:1

No hott da Hah ksawt zu miah, “Nemm en grohs tablet un shreib deah nohma druff mitt grohsi bushtawva: Kshvind-Rawva-Shteik-Shtayla.

Psalm 40:7

No habb ich ksawt, “Gukk moll, ich kumm, im buch is es kshrivva veyyich miah.

Ezra 6:2

Si henn no en shreives kfunna im kaynich-haus in di shtatt Ekbatana im land Media. Dess is vass druff kshrivva voah: “Zeiknis-Shreives:

Hosea 8:12

Ich habb eena feel gebodda kshrivva funn meim ksetz, avvah si henn si gacht vi ebbes fremdes.

Jeremia 45:1

Dess is vass da brofayt Jeremia ksawt hott zumm Baruch em Neria sei boo, im fiaht yoah fumm Josia sei boo, da Joiakim vo eah kaynich voah funn Juda. Dess voah noch demm es da Baruch em Jeremia sei vadda in en buch kshrivva hott.

Jeremia 36:29

Un sawk dess zumm Joiakim, da kaynich funn Juda, ‘Dess is vass da Hah sawkt: Du hosht's buch fabrend un hosht ksawt, “Favass hosht du in's buch kshrivva es da kaynich funn Babylon kumma zayld un dess land fadauva so es kenn mensha adda fee may drinn sinn?”

Jeremia 2:4

Heichet's vatt fumm Hah ab, diah haus fumm Jakob, awl diah kshlechtah fumm Israel.

Jeremia 1:5

“Eb ich dich kshaffa habb im muddahs-leib, habb ich dich gekend, eb du geboahra voahsht, habb ich dich raus ksetzt; ich habb dich eiksetzt fa en brofayt sei zu alli leit.”

Hiob 31:35

Oh, vann ich yusht ebbah hett fa mich abheicha! Gukket moll, do is mei nohma uf babiah, loss da Awlmechtich miah andvat gevva, loss sellah es mich pshuldicht's uf babiah shreiva.

5. Mosi 31:24

Vo da Mosi faddich voah di vadda funn demm ksetz in en buch shreiva fumm ohfang biss an's end,

Hebräer 10:7

No habb ich ksawt, ‘Gukk moll, ich binn kumma fa dei villa du, oh Gott. Im buch shtayt's kshrivva funn miah.’”

Jeremia 1:9

No hott da Hah sei hand naus glangd, hott mei maul ohgraykt un hott ksawt, “Gukk moll, ich habb mei vadda in dei maul gedu.

Jeremia 36:14

henn awl di evvahshti da Judi zumm Baruch kshikt. (Da Judi voah em Nethania sei boo, un eah voah em Selemia sei boo, un eah voah em Chusi sei boo.) Si henn em Judi ksawt fa em Baruch sawwa, “Bring's buch es du raus glaysa hosht difunn zu di leit un kumm.” So is da Baruch, em Neria sei boo, zu eena ganga mitt em buch in sei hand.

Jeremia 36:18

Da Baruch hott ksawt, “Yau, eah hott awl dee vadda foahksawt zu miah un ich habb si in's buch kshrivva mitt dinda.”