Jeremia 34:10 - Pennsylvania Dutch Bible

¹⁰ So voahra awl di evvahshti un di leit aynich es unnich's bund ganga sinn fa iahra mansleit un veibsleit bunds-gnechta frei setza un si nimmi hayva. Si voahra aynich fa si frei setza.

Jeremia 34:10 交叉參考

Jeremia 26:16

No henn di evvahshti un awl di leit ksawt zu di preeshtah un brofayda, “Deah mann sett nett doht gmacht sei. Eah hott kshvetzt zu uns im nohma fumm Hah unsah Gott.”

Jeremia 26:10

Vo di evvahshti funn Juda dee sacha keaht henn, sinn si aus em kaynich-haus nuff am Hah sei haus ganga. No henn si iahra bletz gnumma am Neiya Doah zumm Hah sei haus.

Markus 6:20

veil da Herodes sich kfeicht hott veyyich em Johannes. Eah hott gvist es da Johannes en gerechtah un en heilichah mann voah, un fasell hott eah eem nix gedu. Vann eah da Johannes abkeicht hott is eah ganga un hott feel sacha gedu. Eah hott een als geahn abkeicht.

Jeremia 38:4

No henn di evvahshti ksawt zumm kaynich, “Deah mann sett doht gmacht sei. Eah is am di greeks-gnechta macha moot faliahra vo ivvahrich sinn in di shtatt, un aw di leit bei vass eah am sawwa is zu eena. Deah mann is nett am's gooda sucha fa di leit avvah vass shawda is.”

Jeremia 36:12

is eah nunnah im shreivah sei shtubb ganga im kaynich-haus. Datt voahra awl dee evvahshti am hokka: da Elisama da shreivah, da Delaia em Semaia sei boo, da Elnathan em Achbor sei boo, da Gemaria em Saphan sei boo, un da Zedekia em Hanania sei boo mitt awl di anra evvahshti.

Jesoiya 29:13

No sawkt da Hah, “Dee leit kumma nayksht zu miah mitt iahra maul, un gevva eah zu miah mitt iahra leftz, avvah iahra hatza sinn veit vekk funn miah. Si deena mich yusht mitt mensha-gebodda, es si ausvennich lanna.

Jeremia 34:11

Avvah shpaydah henn si di mansleit un veibsleit bunds-gnechta gmacht viddah zrikk kumma un iahra bunds-gnechta sei, selli es si frei ksetzt katt henn.

Jeremia 34:19

Di evvahshti funn Juda un Jerusalem, di ivvah-saynah, di preeshtah un awl di leit fumm land es zvishich di zvay shtikkah fumm hamli gloffa sinn,

2. Mosi 21:2

Vann du en Hebrayishah gnecht kawfsht, soll eah sex yoah deena. Im sivvada yoah soll eah frei gmacht sei fa nix.

3. Mosi 25:10

Diah sellet's fuftzichsht yoah heilich macha un en frei-yoah ausroofa deich's gans land fa awl di leit im land. Es soll en Frei-Setz-Yoah sei fa eich. Yaydah funn eich soll zrikk zu sei ayya land gay un alli-ebbah zu sei aykni family.