Jeremia 31:2 - Pennsylvania Dutch Bible

² Dess is vass da Hah sawkt: “Di leit es nett umkumma sinn beim shvatt, henn gnawt kfunna in di vildahnis, vo Israel roo ksucht hott.”

Jeremia 31:2 交叉參考

Psalm 95:11

So habb ich kshvoahra in meim zann, “Si zayla nee nett in mei roo kumma.”

4. Mosi 10:33

So sinn si naus kshteaht fumm Berg fumm Hah un sinn on ganga fa drei dawk. Di Bundes-Lawt fumm Hah is fannich eena heah ganga selli drei dawk fa eena da blatz veisa vo si roowa sella.

Matthäus 11:28

Kummet zu miah awl funn eich vo gedruvveld un nunnah-glawda sinn. Ich vill eich roo gevva.

5. Mosi 1:33

deah es fannich eich heah ganga is uf em vayk mitt feiyah bei nacht un mitt en volk bei dawk, fa eich veisa vo zu shtobba ivvah-nacht, un fa eich da vayk veisa es diah gay sellet.

Jeremia 2:2

“Gay un breddich zu di oahra funn selli in Jerusalem, un sawk, ‘Dess is vass da Hah sawkt: “Ich meind noch dei shtandhaftichkeit vo du yung voahsht; du hosht mich leeb katt vi en hochtzich-maydel, un bisht miah nohch kumma in di vildahnis, deich en land es nett eiksayt voah.

Psalm 78:52

Avvah eah hott sei aykni leit raus kfiaht vi shohf, un is eena foah-ganga in di vildahnis.

5. Mosi 12:9

veil diah noch nett an da roo-blatz kumma sind, di eahbshaft es da Hah eiyah Gott am eich gevva is.

5. Mosi 8:16

In di vildahnis hott eah eich manna gevva zu essa, sell es eiyah foah-feddah nett gekend henn, so es eah eich daymeedicha un fasucha hott kenna, un eich goot du hott kenna am end.

5. Mosi 2:7

Da Hah eiyah Gott hott eich ksaykend in alles es diah gedu hend. Eah hott ivvah eich gvatsht vi diah rumm heah gloffa sind deich dee grohs vildahnis. Deich dee fatzich yoah voah da Hah eiyah Gott bei eich, un diah hend goah kenn noht katt.

5. Mosi 1:30

Da Hah eiyah Gott, es fannich eich heah gayt, zayld fechta fa eich, grawt vi eah hott fa eich in Egypta fannich eiyah aykni awwa,

4. Mosi 14:20

Da Hah hott no ksawt, “Ich habb si fagevva, so vi du kfrohkt hosht.

2. Mosi 33:14

Da Hah hott ksawt, “Ich selvaht zayl mitt diah gay, un ich gebb diah roo.”

2. Mosi 1:22

No hott da Pharao dess gebott gevva zu awl sei leit, “Alli boovli es geboahra vatt soll in da revvah kshmissa sei, avvah alli maydli soll levendich kalda sei.”

2. Mosi 1:16

Eah hott ksawt zu eena, “Vann kinnah geboahra vadda zu di Hebrayishi veibsleit un diah helfet eena uf em geboaht-shtool, dann sellet diah di boovlen doht macha, avvah di maydlen kennet diah layva lossa.”

2. Mosi 12:37

Di Israeliddah sinn no funn Raemses zu Sukkoth ganga. Es voahra baut sex hunnaht dausend mennah am lawfa, unni noch di kinnah.

2. Mosi 5:21

Un si henn ksawt zu eena, “Da Hah soll uf eich gukka un eich richta, fa diah hend uns en shlechtah kshmakk gmacht zumm Pharao un sei gnechta, un en shvatt in iahra hand gedu fa uns doht macha.”

2. Mosi 2:23

Ivvah en langi zeit is da kaynich funn Egypta endlich kshtauva. Di Kinnah-Israel henn gyammaht ivvah iahra shveahri eahvet un henn naus groofa. Un iahra roofes fa hilf veyyich iahra shveahri eahvet is nuff zu Gott kumma.

Joshua 1:13

“Denket zrikk an di vadda es da Mosi, em Hah sei gnecht, eich gebodda hott vo eah ksawt hott, ‘Da Hah eiyah Gott gebt eich roo, un is am eich dess land gevva.’

Hosea 11:4

Ich habb si als kfiaht mitt menshlichi shtrikk, mitt shtrikk funn leevi; ich habb's yoch ab funn iahra hals gnumma, habb mich nunnah gebikt un si kfeedaht.

Ezekiel 20:35

Ich zayl eich in di vildahnis funn feel heida bringa un datt, ksicht zu ksicht, zayl ich eich richta.