Jeremia 23:25 - Pennsylvania Dutch Bible

²⁵ “Ich habb keaht vass di brofayda sawwa. Dee es leeya broffetzeiya in meim nohma un sawwa, ‘Ich habb gedrohmd! Ich habb gedrohmd!’

Jeremia 23:25 交叉參考

1. Mosi 37:5

No hott da Joseph en drohm katt, un vo eah da drohm fazayld hott zu sei breedah, henn si een yusht noch may kast.

1. Mosi 37:9

Da Joseph hott no noch en drohm katt. Eah hott'n fazayld zu sei breedah, un hott ksawt, “Ich habb noch en drohm katt. Dessamohl henn di sunn, da moon un elf shtanna sich nunnah gebikt zu miah.”

Psalm 139:2

Du vaysht's vann ich mich anna hokk, un vann ich uf shtay; du vaysht mei gedanka funn veit ab.

Psalm 139:4

Even eb en vatt uf mei zung is, dann vaysht du's shund, oh Hah.

Jeremia 13:27

Ich habb dei aybrechahrei, dei hengshtahrei un dei shandlichi huahrahrei ksenna. Ich habb ksenna vi du dich fashohmd hosht uf di hivla un in di feldah. Vay zu diah, oh Jerusalem, vann zaylsht du selayva rein vadda?”

Jeremia 14:14

No hott da Hah ksawt zu miah, “Di brofayda sinn am leeya broffetzeiya in meim nohma. Ich habb si nett kshikt, adda en gebott gevva adda kshvetzt zu eena. Si broffetzeiya falshi kshichta zu eich, voah-sawwes un abgettahrei, un macha sich selvaht falshi sacha veis.

Jeremia 16:17

Mei awwa sayna alles es si am du sinn. Nix is fashtekkeld funn miah. Iahra sinda sinn nett zu gedekt fannich mei awwa.

Jeremia 23:28

Loss da brofayt es en drohm katt hott dess fazayla es yusht en drohm, avvah sellah es mei vatt hott soll's shtandhaftich breddicha. Ma kann shtroh un frucht goot funn-nannah sawwa,” sawkt da Hah.

Jeremia 23:32

Un noch veidah, ich binn geyyich selli es iahra falshi drohma broffetzeiya,” sawkt da Hah. “Si sawwa di drohma un fiahra mei leit vekk mitt iahra foah-vitzichi leeya, avvah ich habb si nett groofa adda kshikt. Si helfa di leit goah nix,” sawkt da Hah.

Jeremia 27:10

Si broffetzeiya leeya zu eich un sell zayld macha es diah veit vekk funn eiyah lendah gedrawwa vaddet. Ich dreib eich raus un diah kummet um.

Jeremia 27:15

‘Ich habb si nett kshikt,’ sawkt da Hah, ‘si sinn am leeya broffetzeiya in meim nohma. Fasell zayl ich eich ausdreiva un diah zaylet umkumma, diah un di brofayda es am broffetzeiya sinn zu eich.’”

Jeremia 29:23

Fa si henn shreklichi sacha gedu in Israel; si henn huahrahrei gedrivva mitt di veivah funn iahra nochbahra un henn leeya ksawt in meim nohma es ich eena nett ksawt habb. Ich vays dess veil ich's ksenna habb,” sawkt da Hah.

Jeremia 29:8

Dess is vass da Awlmechtich Hah, da Gott funn Israel, sawkt: “Losset eiyah brofayda es unnich eich sinn un eiyah voah-sawwah eich nett fafiahra; heichet si nett ab mitt di drohma es si drohma.

Jeremia 8:6

Ich habb si goot abkeicht, avvah ich heah si nett sawwa vass recht is. Nimmand macht sei sach recht fa sei sinda, un sawkt, “Vass habb ich doch gedu?” Yaydah funn eena gayt sei ayknah vayk, vi en greeks-gaul fassich shpringd fa in da greek.

Glawk-Leedah 2:14

Vass dei brofayda diah ksawt henn voahra falshi un dummi leeya; si henn dei sind nett abgedekt, fa dich halda funn kfanga vadda. Di broffetzeiya es si diah gevva henn, voahra falsh un henn dich fafiaht.

Ezekiel 22:28

Iahra brofayda veisla dess ivvah fa si; si sayna falshi visions un voah-sawwa leeya fa si. No sawwa si, ‘Dess is vass da Awlmechtich Hah sawkt,’ vann da Hah goah nett kshvetzt hott.

Joel 2:28

Es zayld blatz nemma noch demm, es ich mei Geisht ausleahra zayl uf alli mensh. Eiyah boova un mayt zayla broffetzeiya, eiyah aldi mennah zayla geishtlichi sacha drohma, un eiyah yungi mennah zayla geishtlichi sacha sayna.

Sacharia 13:3

Un vann ennich ebbah alsnoch broffetzeiya dutt, dann dutt sei faddah un muddah, dee es eah geboahra voah ditzu, sawwa zu eem, ‘Du musht doht gmacht sei veil du leeya ksawt hosht im Hah sei nohma.’ Un vann eah broffetzeiya dutt, dann doon sei aykni eldahra een deich shtohsa.

4. Mosi 12:6

hott eah ksawt, “Heichet mei vadda ab: Vann en brofayt fumm Hah unnich eich is, dann mach ich mich gvissa zu eem in en vision, adda ich shvetz zu eem in en drohm.

Matthäus 1:20

Diveil es da Joseph am dee sach ivvah-denka voah, is en engel fumm Hah zu eem kumma in en drohm, un hott ksawt, “Joseph, funn di nohch-kummashaft fumm Dawfit, feich dich nett fa di Maria zu diah nemma es dei fraw. Dess vass geboahra vatt funn iahra is fumm Heilicha Geisht.

Lukas 12:3

Vass-evvah es du ksawt hosht im dunkla vatt keaht vo's dawk is, un vass du in's oah pishbasht vann di deah zu is, vatt gebreddicht funn di haus-dechah.

1. Korinther 4:5

Fasell, richtet nix eb's zeit is. Voahdet biss da Hah kumd. Eah zayld alles aus em dunkla raus in di helling bringa, un zayld leit iahra hatza un gedanka abdekka. An selli zeit grikt alli-ebbah lohb funn Gott vass zu eem heaht.

Hebräer 4:13

Nix es eah kshaffa hott is fashtekkeld funn Gott. Alles is nakkich un abgedekt fannich sei awwa, deah vo miah zu du henn mitt.

Di Offenbarung 2:23

Un ich shlakk awl iahra kinnah doht. No vissa awl di gmayna es ich sellah binn es di gedanka un hatza unnah-sucht, un ich gebb zu yaydah ebbah vass eah fadeend hott.