Jeremia 2:8 - Pennsylvania Dutch Bible

⁸ Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Jeremia 2:8 交叉參考

Habakuk 2:18

Vass goot is en gleichnis, siddah es en mensh es gmacht hott? Adda en gegossa gleichnis es yusht leeya land zu leit? Fa deah es es macht, draut in sei aykni eahvet, vann eah gleichnisa macht es nett shvetza kenna.

Jeremia 10:21

Unsah shohf-heedah sinn nett ksheit vadda, un henn da Hah nett kfrohkt; fasell is nix recht ganga fa si, un iahra gansi drubb is ausnannah kshtroit.

Jeremia 5:31

Di brofayda broffetzeiya leeya, di preeshtah roola vi si vella un mei leit gleicha's vi sell. Avvah vass zaylet diah du vann dess moll awl end?”

2. Korinther 4:2

Avvah miah henn nix zu du mitt sacha vo hinna rumm un shandlich sinn, un miah lawfa nett shlichtich rumm. Miah fadrayya nett Gott sei Vatt, avvah deich di voahheit ufrichtich bekenna, doon miah uns ufrichtich veisa fannich Gott in di innahlicha gedanka funn awl mensha.

Johannes 16:3

Un si doon dess veil si nett da Faddah adda mich gekend henn.

Hosea 4:6

Mei leit gayn unnah veil si nett gland sinn. Veil du lanning nunnah gedrayt hosht, dann dray ich dich aw nunnah fa mei preeshtah sei. Veil du's ksetz funn dei Gott fa'acht hosht dann fa'acht ich aw dei kinnah.

Johannes 8:55

Diah hend een nett gekend, avvah ich kenn een. Vann ich sawwa dayt es ich een nett kenna dayt, veah ich en leeyah vi diah sind. Avvah ich kenn een, un ich hald sei Vatt.

Lukas 11:52

Vay zu eich shrift-geleahrah! Diah hend da shlissel zu di eisicht vekk gnumma; diah sind selvaht nett nei ganga, un diah voahret en hinnahnis zu selli vo am nei gay voahra.”

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Jeremia 16:19

Oh Hah, du bisht mei graft un mei hilf, zu diah kann ich shpringa vann ich in di kfoah binn; di heida zayla zu diah kumma, fumm end funn di eaht kumma si un sawwa, “Unsah feddah henn nix katt es yusht falshi gettah, gleichnisa es eena nett helfa henn kenna.

Jeremia 12:10

Feel shohf-heedah henn mei vei-goahra fadauva, si henn mei feld nunnah kshtambt; si henn mei shay feld, in en vildahnis gmacht.

Jeremia 7:8

Avvah gukket moll, diah sind am eich falossa uf fafiahrichi vadda es nix veaht sinn.

Jeremia 4:22

“Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

Jeremia 2:11

Henn di heida selayva iahra gettah fahandeld, even vann si kenn gettah sinn? Doch mei leit henn iahra hallichkeit fahandeld fa abgettah es eena nett helfa kenna.

Jeremia 2:6

Si henn nett kfrohkt, ‘Vo is da Hah es uns ruff aus Egypta gebrocht hott, un es uns deich di vildahnis kfiaht hott, deich's veesht, leah land, un deich's drukka un dunkel land, en land vo nimmand voond un nimmand deich gayt?’

Jesoiya 30:5

di leit funn Juda zayla gedaymeedicht sei veil di leit es si sich falossa druff, eena nett helfa kenna. Si bringa yusht shohm un shanda.”

Jesoiya 29:10

Da Hah hott en geisht funn en deefah shlohf ivvah eich gebrocht, eah hott eiyah brofayda iahra awwa zu gmacht, un hott iahra kebb zu gedekt.

Jesoiya 28:7

Allaveil avvah doon di brofayda un preeshtah ksoffa rumm lawfa funn vei. Si henn so feel shteik drinkes un vei gedrunka es si fashtatzt sinn un nett grawt lawfa kenna. Si sinn zu ksoffa fa di visions fashtay es Gott shikt, un si shtolbahra vann si richta.

1. Kaynicha 18:40

No hott da Elia ksawt zu eena, “Nemmet di brofayda fumm Baal fesht. Losset kenni vekk kumma!” Di leit henn si no awl fesht gnumma, no hott da Elia si nunnah kfiaht an di Grikk Kison, un hott si doht gmacht datt.

1. Kaynicha 18:29

Middawk is fabei ganga un si henn ohkalda greisha un broffetzeiya biss es zeit voah fa's ohvet opfahra macha. Avvah's voah kenn shtimm, un's voah kenn andvat; nimmand hott kshvetzt.

1. Kaynicha 18:22

No hott da Elia ksawt, “Ich laynich binn ivvahrich fumm Hah sei brofayda, avvah da Baal hott fiah hunnaht un fuftzich brofayda.

1. Samuel 12:21

Drayyet nett vekk un gaynd abgettah nohch. Si kenna nix goodes du fa eich, un kenna eich nett frei macha, veil si nix veaht sinn.

1. Samuel 2:12

Nau di boova fumm Eli voahra gottlohsi mennah; si henn sich nix bekimmaht veyyich em Hah,

5. Mosi 33:10

Di Lefiddah zayla em Jakob dei adninga lanna, un dei ksetz zu Israel. Si opfahra insens fannich diah, un gansi brand-opfahra uf dei awldah.

Jeremia 9:14

In blatz funn sell, sinn si iahra shteibahrichi hatza nohch ganga. Si sinn di abgettah fumm Baal nohch ganga, so vi iahra feddah si gland henn.”

Jeremia 18:18

Si henn ksawt, “Kummet, vella ausmacha vass miah du vella geyyich da Jeremia. Es zayla immah preeshtah sei fa uns lanna, mennah mitt veisheit fa uns roht gevva un brofayda fa Gott sei vadda sawwa. Vella een fanga bei sei aykni vadda fadrayya, un vella een nimmi abheicha.”

Ezekiel 22:26

Iahra preeshtah henn mei ksetz fadrayt un henn mei heilichi sacha unheilich gmacht; si macha kenn unnahshitt zvishich em heilicha un em unheilicha. Si lanna leit es es kenn unnahshitt hott zvishich em reina un em unreina. Si macha iahra awwa zu zu mei Sabbada, un so binn ich unheilich gmacht unnich eena.

Ezekiel 34:2

“Mensha-kind, broffetzei geyyich di shohf-heedah funn Israel. Broffetzei un sawk zu eena: ‘Dess is vass da Awlmechtich Hah sawkt: Vay zu di shohf-heedah funn Israel es sich yusht selvaht feedra! Sedda di shohf-heedah nett di shohf feedra?

Hiob 35:10

Avvah nimmand sawkt, ‘Vo is Gott, deah es mich gmacht hott, deah es lohb-leedah gebt in di nacht,