Si hayva's uf iahra shuldahra un drawwa's, si setz es an en blatz un datt shtayt's. Es kann nett vekk gay funn datt. Vann ebbah shvetzt ditzu, gebt's kenn andvat, un's kann eem nett helfa in sei noht.
Da shmitt nemd en shtikk eisa, un shaft's in di kohla. Mitt sei shteikah oahm globt eah's in shayb mitt en hammah. Eah vatt hungahrich un vatt shvach, eah drinkt kenn vassah un vatt matt.
Nau doon si may un may sindicha, si macha gleichnisa aus silvah fa sich selvaht, abgettah es shay gmacht voahra, avvah si voahra awl gmacht mitt mensha hend. Si sawwa, “Di mennah es opfahra vella, missa di abgott-kelvah kissa.”
Vay zu eem es sawkt zumm hols, ‘Vekk uf!’ Adda zu en dohdah shtay, ‘Shtay uf!’ Kann sell ding roht gevva? Es is ivvah-gezowwa mitt gold un silvah; es hott kenn ohften.
