Jakobus 5:13 - Pennsylvania Dutch Bible

¹³ Is ennich ebbah am leida unnich eich? Loss een bayda. Is ennich ebbah froh? Loss een psaltah singa.

Jakobus 5:13 交叉參考

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Epheser 5:19

Famohnet nannah mitt psaltah, lohb-leedah un geishtlichi leedah; singet un lohvet da Hah in eiyah hatza.

Jona 2:2

Eah hott ksawt, “Ich habb groofa zumm Hah in mei dreebsawl, un eah hott miah andvat gevva. Aus em bauch funn di hell habb ich groofa, un du hosht mei shtimm keaht.

Hebräer 5:7

In di dawwa funn seim layva, hott Jesus gebayda un ohkalda mitt en laudi shtimm un mitt awwa-vassah zu demm vo een halda hott kenna fumm doht. Un eah voah keaht gvest veil eah Gott di eah gevva hott.

Jona 2:7

Vo mei layva am aus miah gay voah, habb ich an da Hah gedenkt, un mei gebayt is zu diah kumma, zu deim heilicha tempel.

Hosea 6:1

“Kummet, vella zrikk zumm Hah gay. Eah hott uns in shtikkah grissa, avvah eah zayld uns hayla; eah hott uns vay gedu, avvah eah bind's viddah zu.

Di Offenbarung 14:3

Un si henn en nei leet ksunga fannich em kaynich-shtool, fannich di fiah levendicha diahra un fannich di eldishti. Nimmand hott sell leet lanna kenna vi yusht di hunnaht un fiah un fatzich dausend es gekawft voahra funn di eaht.

Lukas 22:44

Un's is eem oahrich shveah vadda, no hott eah yusht noch eiyah gebayda, un sei shvitz is vadda vi bloot-drobba un is nunnah kfalla uf da bodda.

Matthäus 26:30

Un vo si en leet ksunga katt henn, sinn si naus an da Ayl-Berg ganga.

Daniel 5:4

Vi si vei gedrunka henn, henn si di gettah funn gold, silvah, bronze, eisa, hols un shtay gepreist.

Psalm 118:5

In meim angsht habb ich da Hah ohgroofa, un eah hott miah andvat gevva bei mich frei setza.

Psalm 91:15

Eah zayld mich roofa, un ich gebb eem andvat; ich zayl bei eem sei in druvvel; ich zayl een frei macha un eem eah gevva.

Di Offenbarung 7:10

Si henn naus gegrisha mitt laudi shtimma un henn ksawt, “Di saylichkeit heaht zu unsah Gott vo uf em kaynich-shtool hokt, un zu em Lamm.”

1. Korinther 14:26

Vi is es dann, leevi breedah? Vann diah zammah kummet dann hott alli-ebbah en psaltah, adda ebbes fa eich lanna, adda zunga, adda en vatt fumm Hah, adda en auslaying. Losset awl dee sacha gedu sei fa nannah ufbauwa.

Lukas 23:42

No hott eah ksawt zu Jesus, “Hah, denk an mich vann du in dei Kaynich-Reich kumsht.”

Micha 4:5

Leit in anri lendah zayla iahra gettah nohch gay, avvah miah zayla lawfa im nohma fumm Hah unsah Gott fa'immah.

Psalm 105:2

Singet zu eem, un lohvet een, sawwet veyyich awl sei vundahboahri verka!

Psalm 95:2

Vella dankboah fannich een kumma, un een preisa mitt fraylichi psaltah.

Psalm 18:6

In meim angsht habb ich zumm Hah groofa; ich habb naus groofa zu meim Gott fa hilf. Funn sei tempel hott eah mei shtimm keaht; eah hott abkeicht zu meim roof fa hilf.

Hiob 33:26

Eah zayld zu Gott bayda, un Gott is gnaydich zu eem; eah saynd Gott sei ksicht un is fraylich, un Gott gebt eem sei gerechtichkeit zrikk.

1. Chronik 16:9

Singet zu eem, yau, singet un preiset een; sawwet veyyich awl sei vundahboahri verka!

Jesoiya 65:14

Mei gnechta zayla singa, veil iahra hatza fraylich sinn; avvah diah zaylet heila mitt en shveah hatz, un zaylet yammahra mitt en fabrochanah geisht.

1. Korinther 14:15

So vass soll ich du? Ich zayl bayda mitt meim geisht, un ich zayl aw bayda mitt mei meind. Ich zayl singa mitt meim geisht, un ich zayl aw singa mitt mei meind.

Jakobus 5:10

Leevi breedah, es en gleichnis funn leides un geduld, denket an di brofayda vo kshvetzt henn im nohma fumm Hah.