Hosea 8:10 - Pennsylvania Dutch Bible

¹⁰ Even vann si sich fakawft henn unnich di heida, doch zayl ich si nau zammah samla. No zayla si ohfanga zu nix gay, unnich di lasht es da mechtich kaynich uf si dutt.

Hosea 8:10 交叉參考

Ezekiel 16:37

fasell, zayl ich awl dei mennah zammah samla es du so geglicha hosht, un aw selli es du kast hosht; ich sammel si zammah geyyich dich funn ivvahrawlich rumm un mach dich nakkich fannich eena, so es si dei nakkichheit sayna kenna.

Hosea 10:10

Vann ich moll vill, zayl ich si shtrohfa; heida-lendah fasamla sich zammah geyyich si un shtrohfa si fa iahra zvay sadda sinda.

Ezekiel 26:7

So dess is vass da Awlmechtich Hah sawkt: Funn di natt zayl ich da Kaynich Nebukadnezar funn Babylon, da kaynich funn kaynicha, geyyich Tyrus bringa mitt reidah un greeks-veyya, mitt geil-reidah un en grohsi army.

Jesoiya 10:8

Eah sawkt, ‘Sinn nett awl mei evvahshti kaynicha?

Haggai 2:6

Dess is vass da Awlmechtich Hah sawkt, ‘In en katzi zeit zayl ich viddah di himla un di eaht shidla, un aw da say un's drukka land.

Daniel 2:37

Du, oh kaynich, bisht da kaynich funn awl di kaynicha. Da Gott fumm himmel hott diah's kaynich-reich, di graft, di macht un di hallichkeit gevva.

Ezekiel 22:20

So vi leit silvah, kubbah, eisa, lead un tin in da offa doon un blohsa hays feiyah druff fa's shmelsa, so in di hitz funn meim zann bring ich eich zammah un shmels eich in di shtatt.

Jeremia 42:2

un henn ksawt zumm brofayt Jeremia, “Miah bidda dich es du zumm Hah dei Gott baytsht fa awl dee es ivvahrich sinn. Du kansht sayna, miah voahra als feel, avvah nau sinn nett feel ivvahrich.

Jesoiya 36:13

No is da hauptmann ufkshtanna un hott laut naus gegrisha in di Hebrayish shprohch, “Heichet zu di vadda fumm grohsa kaynich, da kaynich funn Assyria!

1. Chronik 5:26

So hott da Gott funn Israel da geisht fumm Phul, da kaynich funn Assyria (es aw Thiglath-Pileser kaysa hott) ufkshtatt, un eah hott di Rubeniddah, di Gadiddah un di halb-shtamm fumm Manasse vekk gnumma. Eah hott si zu Halah, Habor, Hara un an da revvah funn Gosan gnumma, datt vo si sinn heit noch.

2. Kaynicha 17:3

Da Kaynich Salmanasser funn Assyria is ruff kumma un hott greek gmacht mitt em Hosea. Da Hosea is no sei gnecht vadda un hott missa tax betzawla zumm Salmanasser.

2. Kaynicha 14:26

Fa da Hah hott ksenna vi biddahlich es alli-ebbah deich gmacht hott in Israel, un's hott nix aus gmacht eb si bunds-gnechta voahra adda frei, 's voah nimmand fa eena helfa.

Ezekiel 16:33

Alli huah vatt betzawld, avvah du betzawlsht mennah fa zu diah kumma funn ivvahrawlich bei un huahrahrei dreiva mitt diah.

Ezekiel 23:5

Di Ohola hott huahrahrei gedrivva diveil es see noch mei voah, un hott glusht noch dee es si huahrahrei gedrivva hott mitt, di Assyrians, iahra nochbahra.

2. Kaynicha 17:4

Avvah da kaynich funn Assyria hott auskfunna es da Hosea zvay-ksichtich voah un hott mennah zumm Kaynich So funn Egypta kshikt katt, un hott nimmi tax betzawld zumm kaynich funn Assyria vi eah als alli yoah gedu katt hott. Fasell hott da Salmanasser een fesht gnumma un een eikshtekt.

Jesoiya 30:2

Si gayn nunnah an Egypta unni mich frohwa. Si gayn gukka fa hilf fumm Pharao, un vella sich unnich da shadda funn Egypta du.

Hosea 12:2

Da Hah hott en shuld zu bringa geyyich Juda; eah zayld da Jakob shtrohfa fa sei vayya, eah zayld een zrikk betzawla fa vass eah dutt.