Hosea 5:2 - Pennsylvania Dutch Bible

² Mitt eiyah geshlacht hend diah eich deef fashuldicht, un ich zayl eich awl shtrohfa.

Hosea 5:2 交叉參考

Hosea 9:15

“Deich iahra ungettlichkeit in Gilgal, habb ich ohkfanga si hassa datt. Deich di evili sacha es si doon, zayl ich si aus meim haus dreiva. Ich gebb eena kenn leevi may; awl iahra evvahshti shtella sich geyyich mich.

Jesoiya 29:15

Vay zu selli es hatt broviahra fashtekla fumm Hah vass si im sinn henn fa du, zu selli es iahra sacha doon im dunkla, un sawwa, “Veah saynd uns? Veah zayld's vissa?”

Hosea 6:9

Vi rawvah am voahra, sinn di preeshtah; si maddahra leit uf em vayk noch Sichem, un doon shandlichi sacha.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.

Hosea 6:5

Fasell habb ich eich fahakt mitt mei brofayda, ich habb eich umgebrocht mitt di vadda funn mei maul; mei gericht is uf eich kumma vi licht.

Hosea 4:2

Avvah fluches, leeyes, maddahrei, shtayles un aybreches hott ivvah-hand gnumma. Un bloot-fageeses kumd ayns noch em anra.

Jeremia 18:18

Si henn ksawt, “Kummet, vella ausmacha vass miah du vella geyyich da Jeremia. Es zayla immah preeshtah sei fa uns lanna, mennah mitt veisheit fa uns roht gevva un brofayda fa Gott sei vadda sawwa. Vella een fanga bei sei aykni vadda fadrayya, un vella een nimmi abheicha.”

Jeremia 6:28

Si sinn hatt-hatzich un shteibahrich, so hatt es bronze un eisa. Si shtroiya letzi kshvetzah, vi si unrein rumm heah gayn.

Jeremia 5:3

Oh Hah, sinn nett dei awwa am gukka fa di voahheit? Du hosht si kshlauwa, avvah si kshpiahra's nett; du hosht si shiah ausgrivva, avvah si henn sich nett fabessaht. Si henn iahra ksichtah haddah gmacht es shtay, un henn's nett gedu fa sich bekeahra.

Jesoiya 1:5

Favass haldet diah oh geyyich da Hah shaffa? Vellet diah noch veidah kshtrohft sei? Eiyah gansah kobb is grank, eiyah gans hatz is matt.