Hosea 5:13 - Pennsylvania Dutch Bible

¹³ Vo da Ephraim sei grankheit ksenna hott, un Juda sei vayyah blakka, no hott da Ephraim sich falossa uf Assur, un hott kshikt fa hilf fumm grohsa kaynich. Avvah eah hott diah nett helfa kenna, un dich aw nett hayla kenna.

Hosea 5:13 交叉參考

Hosea 7:11

Ephraim is vi en dummi daub, es sich kshvind fafiahra lost. Seahsht roofa si zu Egypta, no drayya si zu Assur.

Hosea 12:1

Da Ephraim feedaht sich uf em vind, alli dawk gayt eah em east vind nohch, un macht may leeya un fadauves mitt gvald. Eah macht en bund mitt em land Assur, un shikt ayl zu Egypta.

Hosea 10:6

Dess kalb vatt noch Assyria gedrawwa, es en kshenk fa da grohs kaynich. Ephraim vatt fashohmd, un Israel muss sich shemma veyyich iahra holsichah abgott.

Hosea 8:9

Si sinn nuff an Assur ganga vi en vildah aysel am laynich rumm lawfa. Ephraim hott sich fakawft fa di leevi es kumd funn huahrahrei.

Jeremia 30:12

Dess is vass da Hah sawkt: ‘Du bisht vay gedu un kansht nett kayld sei, dei vayyah blatz vatt nimmi goot.

2. Kaynicha 15:19

No is da Kaynich Phul funn Assyria in's land kumma, un da Menahem hott eem acht un dreisich ton silvah gevva so es eah eem helft's kaynich-reich hayva.

Micha 1:9

Fa iahra granket kann nett kayld sei, see is in's land Juda kumma. Dee granket is an's doah funn mei leit kumma, an di shtatt funn Jerusalem selvaht.

Hosea 14:3

Es land Assur kann uns nett helfa; miah vella nimmi uf greeks-geil reida. Miah vella nee nimmi sawwa zu di sacha es unsah hend gmacht henn, ‘Diah sind unsah gott’; fa in diah finna di kinnah unni eldra bamhatzichkeit.”

2. Kaynicha 16:7

Da Ahas hott no mennah zumm kaynich funn Assyria, da Thiglath-Pileser, kshikt, un hott ksawt, “Ich binn dei gnecht un dei sohn. Kumm ruff un helf miah aus di hend kumma funn di kaynicha funn Syria un Israel, dee es am greek macha sinn geyyich mich.”

2. Kaynicha 15:29

Diveil es da Pekah da kaynich funn Israel voah, is da Thiglath-Pileser, da kaynich funn Assyria, kumma un hott di shtett Ijon, Abel-Beth-Maacha, Janoah, Kedes, Hazor, Gilead un Galilaya ivvah-gnumma, un aw's gans land funn Naphthali. Eah hott awl di leit zrikk gnumma zu Assyria.

Jesoiya 3:7

Avvah eah zayld sawwa, “Ich kann nix du fa eich. Es is kenn ess-sach adda en vammes in meim haus, setz mich nett ivvah dee leit.”

Ezekiel 23:5

Di Ohola hott huahrahrei gedrivva diveil es see noch mei voah, un hott glusht noch dee es si huahrahrei gedrivva hott mitt, di Assyrians, iahra nochbahra.

Hosea 2:7

See gayt iahra lusht-mennah nohch, avvah see kann si nett fanga, see gukt fa si avvah find si nett. No sawkt see, ‘Ich gay zrikk zu meim eahshtah mann; ich voah bessah ab no es ich binn nau.’