Hosea 5:10 - Pennsylvania Dutch Bible

¹⁰ Di evvahshti in Juda sinn vi selli es land-meikah-shtay moofa. Ich leah mei zann aus uf si vi vassah.

Hosea 5:10 交叉參考

5. Mosi 19:14

Im land es da Hah eiyah Gott am eich gevva is sellet diah di lein-meikah-shtay nett moofa zvishich di feldah es eiyah foah-feddah anna ksetzt henn.

Psalm 32:6

Fasell loss alli-ebbah es gettlich is bayda zu diah, diveil es du kfunna sei kansht; no vann hohchi vassahra kumma, langa si nett nuff zu eem.

5. Mosi 27:17

“Faflucht is ennich ebbah es sei nochbah sei lein-meikah-shtay mooft.” No sella awl di leit sawwa, “Amen!”

Lukas 6:49

Avvah sellah vo heaht un dutt's nett, is vi en mann es en haus ovva uf da grund gebaut hott unni en fuddah; vo's vassah geyyich sell haus kshohva hott, is es grawt zammah kfalla un's voah alles fadauva.”

Matthäus 7:27

No hott's hatt greyyaht un's vassah is hohch vadda, un da vind hott veddah sell haus geblohsa, un's is zammah kfalla un voah alles fadauva.”

Ezekiel 7:8

Glei zayl ich mei zann ausleahra uf dich un mei zann sich abshaffa lossa uf diah. Ich zayl dich richta fa vass du fadeend hosht un dich shtrohfa fa di grausama sacha unnich diah.

Shpricha 22:28

Moof nett da ald meik-shtay es di foah-feddah datt anna ksetzt henn.

Shpricha 17:14

Da ohfang funn shtreit is vi en damm am rinna, so shtobbet's eb's graysah vatt.

Psalm 88:17

Si sinn um mich rumm vi vassah da gans dawk, si kumma rei ivvah mich funn alli seit.

Psalm 69:24

Leah dei zann aus ivvah si, un loss dei brennichah zann si ivvah-kumma.

Jesoiya 1:23

Eiyah roolahs drayya sich geyyich Gott, un shaffa mitt deeb; si gleicha geld hinna rumm nemma, un sucha fa kshenkah. Si shtayn nett uf fa selli unni eldra, un heicha da glawk funn vitt-veivah nett ab.

Ezekiel 22:22

Vi silvah kshmolsa vatt im offa, so vaddet diah kshmolsa in di shtatt. No zaylet diah vissa es ich, da Hah, mei zann ausgleaht habb uf eich.’”