21 Eah zayld alsnoch dei maul filla mitt laches, un dei leftz mitt fraylichi yacht.
Unsah meilah voahra kfild mitt laches, un unsah zunga henn ksunga mitt frayt. No voah's ksawt gvest unnich di heida, “Da Hah hott grohsi sacha gedu fa si.”
Di Sara hott no ksawt, “Gott hott mich lacha gmacht, un alli-ebbah es dess heaht zayld lacha mitt miah.”
Sellah es naus gayt am heila, un drawkt sei sohma fa sayya, zayld viddah zrikk kumma am singa mitt frayt, un zayld sei shayb mitt sich bringa.
Froiyet eich ivvah da Hah, un seind fraylich diah gerechti; un singet mitt frayt, diah es ufrichtichi hatza hend.
Ksaykend sind diah vo hungahrich sind, fa diah zaylet satt vadda. Ksaykend sind diah vo heilet, fa diah zaylet lacha.
Greishet mitt frayt zumm Hah ivvahrawlich in di eaht.
Du zaylsht lacha ivvah hungahs-noht un fadeahvung, un brauchsht dich nett feicha veyyich di vilda diahra.
Uf sellah dawk henn si grohsi opfahra gopfaht mitt frayt veil Gott eena grohsi frayt gevva hott. Di veibsleit un di kinnah henn sich aw kfroit. Di yacht funn dee grohs frayt in Jerusalem hott veit abkeaht sei kenna.
Greishet zumm Hah mitt frayt ivvahrawlich in di eaht, singet laut mitt lohb un preiset een.
Avvah nimmand sawkt, ‘Vo is Gott, deah es mich gmacht hott, deah es lohb-leedah gebt in di nacht,
Vo da Hah di kfangana zrikk zu Zion gebrocht hott, voahra miah vi mennah am drohma.
