Hiob 7:21 - Pennsylvania Dutch Bible

²¹ Favass fagebsht du nett mei ivvah-dreddes, un nemsht mei sinda vekk? Ich zayl glei nunnah in da shtawb leiya, du zaylsht gukka fa mich, avvah ich zayl nimmi sei.”

Hiob 7:21 交叉參考

Daniel 12:2

Un feel funn selli es im shtawb fumm grund shlohfa vadda vakkah, samm zu ayvich layva, un samm zu ayvichah shohm un shanda.

Hiob 10:14

Du bisht am vatsha fa sayna eb ich sindicha du, un dusht's nett fa mei shuld fagevva.

1. Johannes 1:9

Vann miah unsah sinda bekenna, dann is eah shtandhaftich un gerecht, un dutt unsah sinda fagevva un macht uns sauvah funn alli ungerechtichkeit.

Jesoiya 64:9

Sei nett zu bays mitt uns, oh Hah, un denk nett an unsah sinda fa'immah. Gukk runnah uf uns awl fa miah sinn dei leit.

Breddichah 12:7

eb da shtawb zrikk drayt zu grund, vo eah bei kumma is un eb da geisht zrikk gayt zu Gott, deah es een gevva hott.

1. Johannes 3:5

Un diah visset es eah sich gvissa hott fa unsah sinda vekk nemma, un in eem is kenn sind.

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Johannes 1:29

Da neksht dawk hott eah Jesus ksenna geyyich eem kumma, un no hott eah ksawt, “Gukket moll, do is Gottes Lamm. Dess is da vann vo di veld iahra sinda vekk nemd.

Hosea 14:2

Nemmet dee vadda mitt eich un gaynd zrikk zumm Hah. Sawwet zu eem: “Fagebb unsah sinda un nemm uns gnaydich oh, so es miah di frucht funn unsah leftz opfahra kenna.

Jesoiya 26:19

Di dohda funn unsah leit zayla viddah layva, iahra leivah shtayn viddah uf. Vekket uf un singet mitt frayt, diah es unnich em shtawb leiyet. Dei dau is vi da meiya-dau uf di eaht, un di eaht bringd awl iahra dohdi raus.

Psalm 103:15

Un veyyich em mensh, sei layva is vi graws, eah bleet vi en blumm im feld,

Psalm 37:36

ich binn viddah fabei kumma, un eah voah nimmi gvest; ich habb nohch kfrohkt, avvah eah hott nimmi kfunna sei kenna.

Hiob 17:14

Vann ich's grawb mei faddah hays, un di veahm mei muddah adda mei shveshtah hays,

Hiob 10:9

Denk droh es du mich gmacht hosht aus eaht. Zaylsht du mich nau viddah zu shtawb drayya?

Hiob 7:8

Es awk es mich saynd zayld mich nimmi sayna, dei awwa gukka fa mich, avvah ich zayl nimmi sei.

Hiob 3:13

Fa no hett ich mich shtill anna glaykt; ich veah am shlohfa un am roowa.

2. Samuel 24:10

Avvah da Dawfit voah gebaddaht im hatz noch demm es eah di leit gezayld katt hott, un eah hott ksawt zumm Hah, “Ich habb veesht ksindicht mitt vass ich gedu habb. Nau, oh Hah, nemm di shuld funn deim gnecht vekk. Ich habb en oahrich dumm ding gedu.”

Hiob 8:1

No hott da Bildad funn Suah ksawt,

Hiob 9:28

dann dayt ich mich feicha veyyich mei shmatza, fa ich vays es du mich shuldich haybsht.

Hiob 13:19

Kann ennich ebbah ebbes geyyich mich finna? Vann's kann, dann binn ich shtill un shteahb.

Hiob 27:19

'S letsht mohl gayt eah in's bett en reichah mann, vann eah sei awwa uf macht is alles fatt.

Hiob 33:9

‘Ich binn rein un habb nix letzes gedu; ich binn unshuldich un habb kenn sinda.

Hiob 14:10

Avvah da mensh shteahbt un is anna glaykt; eah heaht uf shnaufa, un vo is eah?

Hiob 20:8

Vi en drohm fleekt eah vekk, un kann nimmi kfunna sei; vi en vision in di nacht, vatt eah fatt gyawkt.