Hiob 39:11 - Pennsylvania Dutch Bible

¹¹ Kansht du dich falossa uf een veil eah shteik is? Losht du dei shveahri eahvet fa een?

Hiob 39:11 交叉參考

Jesoiya 30:16

Diah hend ksawt, ‘Nay, miah gayn difunn uf geil.’ Yau, diah zaylet voll difunn gay! Diah hend ksawt, ‘Miah gayn mitt geil es shteik shpringa kenna.’ Avvah selli es eich nohch gayn sinn kshvindah.

Jesoiya 30:6

Dess is en foah-sawk veyyich di diahra funn di saut: Di botshaftah funn Juda gayn deich en land es dreebsawl un angsht hott, en land mitt kawdah layva, muddah layva, mitt giftichi shlanga un dracha shlanga es fleeya. Di botshaftah drawwa iahra reichi sacha uf di bikkel funn aysla un iahra keshtlich sach uf kamayla bikkel, zu sell land es nix veaht is zu eena,

Shpricha 14:4

Vo kenn oxa sinn, datt is da frucht-kashta leah, avvah funn di graft fumm ox kumd en grohsi eahn.

Psalm 147:10

Eah is nett uf gnumma mitt di graft funn en gaul, adda mitt di shteika bay funn en mann,

Psalm 144:14

Loss unsah kee shveah drawwa, un yungi greeya unni ennichi faliahra. Loss nimmand sich feicha un naus greisha in unsah shtrohsa.

Psalm 20:7

Dayl doon iahra fadrauwa in greeks-veyya, un dayl in geil, avvah miah doon unsah fadrauwa in da nohma fumm Hah unsah Gott.

1. Mosi 42:26

Si henn no iahra aysla ufglawda mitt iahra frucht un henn falossa.

1. Mosi 9:2

Da furcht un angsht funn eich soll uf alli diah funn di eaht sei, un uf alli fokkel funn di luft, uf alles es graddeld uf di eaht un uf awl di fish im say. Si sinn awl in eiyah hend gedu.

1. Mosi 1:28

Un Gott hott si ksaykend un hott ksawt, “Seind fruchtboah un fameahret eich. Fillet di eaht un nemmet ivvah-hand ivvah di eaht. Diah sellet ivvah-hand havva ivvah di fish fumm say, ivvah di fekkel funn di luft, un ivvah alli levendich ding es sich faraykt uf di eaht.”

1. Mosi 1:26

Un Gott hott ksawt, “Losset uns mensha macha in unsah gleichnis, un loss si sei vi miah. Losset si meishtah sei ivvah di fish fumm say, ivvah di fekkel funn di luft, ivvah's fee, ivvah di gans eaht, un ivvah awl di sacha es uf di eaht gradla.”

Jesoiya 46:1

Da Bel beekt sich nunnah un da Nebo is kfalla. Iahra abgettah-gleichnisa sinn uf di bikkel funn oxa gedu. Di gleichnisa es diah rumm drawwet, sinn en lasht un sinn uf di meedi diahra gedu.

Hiob 39:10

Kansht du een macha in di blooks-feich bleiva mitt en shtrikk? Kansht du een macha di ayk zeeya vann du een fiahsht?

Hiob 39:12

Kansht du eem drauwa fa dei frucht rei bringa, un see zammah geddahra uf em dresha-floah?

4. Mosi 23:22

Gott hott si aus Egypta gebrocht; eah is shteik vi's hann funn en vildah ox fa si.