Hiob 26:14 - Pennsylvania Dutch Bible

¹⁴ Avvah dess is yusht da ohfang funn sei vayya, miah heahra yusht en pishbah funn eem. Veah kann's gviddah funn sei macht fashtay?”

Hiob 26:14 交叉參考

Psalm 145:3

Da Hah is grohs, un is es veaht fa gepreist sei; sei grohsi eah is unbegreiflich.

Psalm 139:6

So eisicht is zu vundahboah un zu hohch fa mich, ich kann dess nett begreifa.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Psalm 29:3

Di shtimm fumm Hah drawkt ivvah di vassahra, da Gott funn hallichkeit dimmeld, da Hah dimmeld ivvah di grohsa vassahra.

Hiob 40:9

Hosht du en oahm vi Gott, un hosht du en shtimm es dimmeld vi seini?

Hiob 36:29

Veah kann fashtay vi eah di volka ausnannah dutt, adda vi's gviddah yacht macht im himmel vo Gott bleibt.

Hiob 4:12

Nau en vatt voah hinna rumm gebrocht zu miah; mei oahra henn en pishbah keaht difunn.

1. Samuel 2:10

Selli es geyyich da Hah sinn, vadda in shtikkah fabrocha. Eah dimmeld geyyich si fumm himmel; da Hah zayld richta ivvah di gans veld. Eah zayld macht gevva zu sei kaynich, un zayld's hann funn seim ksalbda hohch uf hayva.”

Hiob 37:4

Noch sellem kumd di yacht funn sei shtimm, eah dimmeld mitt en mechtichi shtimm. Vann sei shtimm keaht is, dann haybt eah nix zrikk.

Hiob 37:5

Gott sei shtimm dimmeld in vundahboahri vayya, eah dutt grohsi sacha es miah nett fashtay kenna.

Hiob 42:5

Mei oahra henn keaht funn diah, avvah nau henn mei awwa dich ksenna.

Habakuk 3:4

Sei glanz voah vi di sunn am uf kumma, licht shtrawla sinn funn sei hand ganga, datt voah sei graft fashtekkeld.

Breddichah 11:5

Grawt vi du nett da vayk fumm vind vaysht, adda vi di gnocha gmacht sinn in en muddahs-leib, so kansht du aw nett di verka funn Gott vissa, deah es alles macht.