9 Vann eah shaft uf di lings seit, kann ich een nett sayna, un vann eah rechts drayt, kann ich een nett fameika.
Ich zayl voahra uf da Hah, deah es sei ksicht fashtekkeld fumm Jakob sei nohch-kummashaft. Ich du mei hofning in een.
Vi lang, oh Hah? Zaylsht du dich fashtekla fa'immah? Vi lang zayld dei zann brenna vi feiyah?
Eah gayt an miah fabei, un ich kann een nett sayna, eah lawft fabei, un ich habb's nett acht.
Avvah vann ich fassich gay, dann is eah nett datt, vann ich hinnahsich gay, kann ich een nett finna.
Avvah eah vayst da vayk es ich gay; vann eah mich moll broviaht hott, dann kumm ich raus vi pyuah gold.
Vee feel vennichah, dann, dutt eah dich abheicha vann du sawksht du saynsht een nett, es du bisht am voahra fa sei gericht, un musht voahra uf een?
Un doch hosht du dee sach in deim hatz katt, ich vays es dess in dei meind voah:
Avvah vann eah shtill bleibt, veah kann een fadamma? Vann eah sei ksicht fashtekkeld, veah kann een sayna? Doch is eah ivvah da mensh un ivvah di heida,
Du bisht geviss en Gott es sich fashtekkeld, du, da Gott un Heiland funn Israel.
