4 Is es fa dei Gottes-furcht es eah dich shtrohft, un dich richta dutt?
Dusht du even uf so aynah gukka mitt dei awwa, un een fannich dich bringa fa een richta?
Gay nett in's gericht mitt dei gnecht, fa fannich diah is nimmand levendiches gerecht.
Selli es ich leeb habb doon ich zanka un shtrohfa. So sei fleisich, dray rumm un du boos.
Si henn dei vei-shtokk nunnah kakt, un en fabrend mitt feiyah; bring si um vann du si ohguksht.
Funn deim gezank, oh Gott fumm Jakob, hott da gaul un da vauwa shtill uf em bodda gleyya.
Du zanksht un shtrohfsht mensha fa iahra sinda, du fazeahsht vass keshtlich is zu eena vi en shawb. Yaydah mensh is goah nix, yusht so vi en ohften. (Sela)
Gott brauch di mensha nett veidah ausbroviahra, fa si richta fannich sich selvaht.
No seddet diah eich selvaht feicha veyyich em shvatt, fa da zann bringd en shtrohf beim shvatt, so es diah vissa kennet es en gericht kumd.”
Oh vann yusht da mensh zu Gott roofa kend, vi en mann dutt zu sei nochbah.
Eah is nett en mensh vi ich binn, es ich eem andvat gevva kann. Miah kenna nett mitt-nannah in's gericht-haus gay.
Vann's kumd zu macht un gvald, dann is eah mechtich; vann's kumd zu vass recht is, veah kann een bei roofa?
Binn ich da say, adda en veesht diah im say, es du en vatshah ivvah mich gedu hosht?
Fa Gott zayld alli ding richta es miah doon, un sell maynd alli goot adda shlecht ding un aw sell es hinna rumm gedu vatt.
Vass fa blesiah veah's zumm Awlmechticha vann du gerecht veahsht? Vass goot dayt's eem du vann du unshuldich veahsht?
