7 Even vann ich sawk, ‘'S voah miah letz gedu,’ dann grikk ich kenn andvat. Ich roof fa hilf, avvah's vatt nett recht gmacht.
Even vann ich roof un frohk fa hilf, macht eah sei oahra zu zu mei gebayt.
Zaylsht du veiklich mei gericht zu nix macha? Daytsht du mich fadamma yusht so es du gerecht bisht?
Da Hiob sawkt, ‘Ich binn gerecht, avvah Gott hott mei recht vekk gnumma.
Ich roof zu diah, oh Gott, fa hilf, avvah du gebsht mich kenn andvat; ich shtay uf, avvah du guksht yusht an mich.
Gukk moll, ich vays eiyah gedanka, un eiyah shkeems fa miah letz du.
Alli-mohl es ich shvetz muss ich naus greisha es heslichi gvald un fadauves am kumma is. Deich sell dutt's vatt Gottes miah yusht faniddahres un shpott bringa.
Oh mei Gott, ich roof deich da dawk, avvah du gebsht kenn andvat, un deich di nacht, avvah ich finn kenn roo.
Oh vann yusht da mensh zu Gott roofa kend, vi en mann dutt zu sei nochbah.
Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?
Eah is nett en mensh vi ich binn, es ich eem andvat gevva kann. Miah kenna nett mitt-nannah in's gericht-haus gay.
Vann's land in di hend funn di ungettlicha fald, dann dekt eah di ksichtah funn di richtah zu. Vann's nett een is, dann veah is es?
Dutt nett aynah es nunnah gebrocha is sei hand naus shtrekka, un in sei noht roofa fa hilf?
Ich gay rumm un binn shvatz gmacht, avvah nett bei di sunn; ich shtay uf in di fasamling un roof fa hilf.
Du bisht heilich uf em kaynich-shtool, un Israel lohbt dich.
