7 Mei awk is dunkel vadda funn dreebsawl, mei eahm un bay sinn vi en shadda.
Mei ksicht is roht funn heila, un mei awwa sinn kshvulla un dunkel.
Mei awwa sinn dreeb funn feel dreebsawl; si vadda shvach deich awl mei feinda.
Deich dess is unsah hatz shvach, deich dee sacha sinn unsah awwa dunkel.
Veah vayst vass goot is fa da mensh in demm layva deich di katza yoahra es nix mayna, un es eah deich gayt vi en shadda? Veah kann eem sawwa vass es gebt unnich di sunn vann eah moll nimmi do is?
Ich binn am fagay vi en ohvet shadda, ich binn abkshiddeld vi en hoi-shrekk.
Eah hott mich gans runslich gmacht, un's zeikt geyyich mich. Ich binn yusht may haut un gnocha, un dess shvetzt aw geyyich mich.
Mei freind fashpodda mich; vi ich zu Gott roof, lawft's awwa-vassah.
Mei leib is geglayt mitt veahm un grinda, mei haut is ufgebrocha un am auslawfa.
Machet eich vekk funn miah, awl diah es evil doond, fa da Hah hott mei shtimm keaht am heila.
