22 No roof mich un ich gebb diah andvat, adda loss mich shvetza, un du gebsht miah andvat.
Du zaylsht roofa un ich gebb diah andvat, un en falanga havva fa sell es dei hend gmacht henn.
Shtay uf un risht dich vi en mann; ich zayl dich sacha frohwa, un du gebsht miah andvat.
Eah is nett en mensh vi ich binn, es ich eem andvat gevva kann. Miah kenna nett mitt-nannah in's gericht-haus gay.
Vann ich een roofa dayt, un eah dayt miah andvat gevva, dann kend ich alsnoch nett glawva es eah mich abheicha dayt.
No dayt ich shvetza un mich nett feicha veyyich eem, avvah ich selvaht binn nett aynah es so du kann.”
Avvah ich dayt gleicha shvetza zumm Awlmechticha, un eem veisa es ich unshuldich binn.
Oh, vann ich yusht ebbah hett fa mich abheicha! Gukket moll, do is mei nohma uf babiah, loss da Awlmechtich miah andvat gevva, loss sellah es mich pshuldicht's uf babiah shreiva.
