Hiob 12:10 - Pennsylvania Dutch Bible

¹⁰ In sei hand is di sayl funn alles es laybt, un da geisht funn awl di mensha.

Hiob 12:10 交叉參考

Di Apostelgeschichte 17:28

veil miah in eem layva un moofa un lawfa doon. Even eiyah aykni poets henn ksawt, ‘Miah sinn sei nohch-kummashaft.’

Hiob 33:4

Da Geisht Gottes hott mich gmacht, un da ohften fumm Awlmechticha gebt miah layva.

Di Apostelgeschichte 17:25

Miah mensha kenna een aw nett deena mitt unsah hend, es vann eah ennich ebbes breicht. Eah hott alli-ebbah layva un ohften un alles gevva.

4. Mosi 16:22

Avvah da Mosi un da Aaron sinn's ksicht feddahsht uf da grund kfalla un henn ksawt, “Oh Gott, du bisht da Gott funn alli mensh sei geisht. Zaylsht du bays sei mitt di gans fasamling vann yusht ay mann sindicht?”

Hiob 27:3

so lang es ich layva habb in miah, un da ohften funn Gott in mei naws is,

Daniel 5:23

In blatz funn sell hosht du dich ufkokt geyyich da Hah fumm himmel. Du hosht's ksha funn seim tempel do zu diah bringa glost, un du un dei evvahshti, eiyah veivah un dei nayva-veivah henn vei raus gedrunka. Diah hend di gettah funn silvah, gold, bronze, eisa, hols un shtay gepreist, dee es nett sayna, heahra adda fashtay kenna. Du hosht Gott nett di eah gevvah, deah es dei layva un dei vayya in sei hand haybt.

Psalm 104:29

Vann du dei ksicht fashtekkelsht, dann feicha si sich. Vann du iahra ohften vekk nemsht, dann gayn si doht un fagayn, un drayya zrikk zu shtawb.

1. Mosi 2:7

No hott Gott da Hah samm shtawb fumm grund gnumma un hott en mensh gmacht. Eah hott en levendichah ohften in sei naws kshnauft, un da mensh is en levendichi sayl vadda.

Johannes 3:6

Vass fumm flaysh geboahra is, sell is flaysh, un vass fumm Geisht geboahra is, sell is Geisht.

1. Mosi 6:17

Un heich moll, ich loss en sindfloot funn vassah uf di eaht kumma. Dess macht awl flaysh doht es shnauft un layva hott unnich em himmel. Alles uf di eaht vatt doht gmacht.

Hiob 27:8

Vass fa hofning hott da gottlohs vann eah abkshnidda is, vann Gott sei layva nemd?

Breddichah 9:1

So habb ich dess alles ivvah-gedenkt in meim hatz un habb ausgmacht es di gerechta un selli mitt veisheit, un aw vass si doon, is alles in di hend funn Gott. Avvah nimmand vayst eb leevi adda hass am voahra is uf een.

Jesoiya 42:5

Dess is vass Gott da Hah sawkt, deah es di himla kshaffa hott, un es si auskshtrekt hott; deah es di eaht gmacht hott, un alles es aus iahra kumd; deah vo di leit ohften gebt uf di eaht, un da geisht gebt zu selli es drinn lawfa:

Psalm 104:30

Vann du eena dei ohften gebsht, no sinn si kshaffa, un du gebsht nei layva zu di eaht.

Jesoiya 57:16

Ich zayl nett immah pshuldicha, un aw nett immah zannich sei, veil iahra geisht matt vadda dayt fannich miah, un aw da ohften im mann es ich gmacht habb.