13 Un doch hosht du dee sach in deim hatz katt, ich vays es dess in dei meind voah:
Avvah eah shtayt laynich; veah kann geyyich een gay? Eah dutt vass eah vill.
Saynet nau, ich laynich binn Een, un's hott kenn gott nayvich mich. Ich mach doht, un ich mach levendich; ich habb vay gedu un ich zayl hayla, un nimmand kann ebbah aus mei hand nemma.
Dess voah grawt vi eah's ayvichlich auskshaft katt hott, un vi eah's no ausgricht hott deich Jesus Christus unsah Hah.
Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.
Veah kann shvetza un's kumd voah, unni es da Hah so gebodda hott?
Du bisht geviss en Gott es sich fashtekkeld, du, da Gott un Heiland funn Israel.
Ich mach di helling un aw's dunkla, ich mach fridda un aw druvvel. Ich, da Hah, du awl dee sacha.
Vann eah shaft uf di lings seit, kann ich een nett sayna, un vann eah rechts drayt, kann ich een nett fameika.
Du bisht am vatsha fa sayna eb ich sindicha du, un dusht's nett fa mei shuld fagevva.
Eah drawkt aus vass eah auskshprocha hott veyyich miah, un feel so sacha es noch in sei meind sinn.
