Glawk-Leedah 1:12 - Pennsylvania Dutch Bible

¹² Is es nix zu eich, awl diah es fabei gaynd? Gukket rumm un saynet. Hott ennich ebbah shund shmatza katt vi ich, dess es uf mich gebrocht voah, dess es da Hah uf mich gedu hott, im dawk funn seim haysah zann?

Glawk-Leedah 1:12 交叉參考

Psalm 88:16

Dei gleedichah zann is ivvah mich kumma; da shreklich angsht funn diah drikt mich nunnah.

Jesoiya 13:13

No mach ich di himla ziddahra; un di eaht zayld aus iahra blatz shidla deich da zann fumm Awlmechticha Hah, im dawk funn sei haysah zann.

Jeremia 10:19

Di leit funn Jerusalem greisha naus, “Miah sinn veesht vay gedu, un dess kann nett kayld sei.” Avvah miah henn ksawt, “Dess is unsah granket, un miah missa's ohnemma.”

Jeremia 18:16

Si henn iahra land en veeshtah blatz gmacht, en blatz es ayvichlich nix gezayld vatt. Alli-ebbah es fabei gayt is fashtaund, un shiddeld sei kobb.

Jeremia 30:23

Gukket moll, da shtoahm fumm Hah zayld raus brecha in zann, en shreklichah vind-veahvel uf da kobb funn di ungettlicha.

Jeremia 30:24

Da zann fumm Hah zayld nett zrikk drayya biss eah folshtendich ausricht vass eah im sinn hott zu du. In di letshta dawwa zaylet diah dess recht fashtay.

Jeremia 30:7

Vi furchtboah zayld sellah dawk sei! Es zayld sei vi kenn anra. Es is di zeit fumm Jakob sei druvvel avvah eah zayld frei gmacht sei difunn.

Jeremia 4:8

So doond sekk-glaydah oh un heilet un veinet, fa da shreklich zann fumm Hah is nett vekk gedrayt funn uns.

Jeremia 48:27

Hosht du nett shpott gmacht ivvah Israel, es vann see kfanga gvest veah unnich deeb? Alli-mohl es du kshvetzt hosht veyyich iahra, hosht du dei kobb kshiddeld.

Glawk-Leedah 1:18

“Da Hah is gerecht, doch habb ich mich geyyich sei gebott kshteld. Heichet nau, awl diah leit, un saynet awl mei shmatza. Mei yungi mennah un mayt sinn kfanga vadda un vekk gnumma.

Glawk-Leedah 2:1

Vi oahrich hott da Hah di Dochtah Zion zu gedekt mitt di volk funn sei zann! Eah hott di hallichkeit funn Israel runnah kshmissa fumm himmel uf di eaht. Eah hott nett an sei foos-shtool gedenkt im dawk funn seim zann.

Glawk-Leedah 2:13

Oh Jerusalem, vass kann ich sawwa fa dich, mitt vass soll ich dich fagleicha, oh Dochtah Jerusalem? Zu vass soll ich dich fagleicha, so es ich dich drayshta kann oh du Yung Maydel, Jerusalem? Dei shawda is so grohs es da say, veah kann dich hayla?

Daniel 9:12

Du hosht dei vadda kalda es du gevva hosht geyyich uns un unsah roolahs bei uns grohsi dreebsawl bringa. Unnich em gansa himmel voah nee nix gedu vi gedu voah zu Jerusalem.

Joel 2:2

Deah dawk is dunkel un dreeb, en dawk mitt volka un nevvel. So vi di meiya-helling ivvah di hivla kumd, kumd en grohsi un mechtichi drubb vi en army, so vi's noch nee nett gvest voah, un aw nee nett viddah sei zayld.

Matthäus 24:21

Fa no zayld en grohsi dreebsawl sei vi's noch nett voah siddah em ohfang funn di veld biss nau, un's zayld aw nee nimmi so sei.