1 Vi hokt di shtatt so falossa, es moll so foll leit voah! See is vi en vitt-fraw, es moll grohs voah unnich di heida! See voah vi en kaynich-fraw unnich di lendah, avvah nau is see en deensht-mawt.
Da Solomon hott groold ivvah awl di kaynich-reicha fumm Revvah biss an's land funn di Philishtah un so veit nunnah biss an's land Egypta. Dee lendah henn tax betzawld un voahra unnich em Solomon so lang es eah glaybt hott.
Avvah da Pharao Necho hott da Joahas eikshtekt an Ribla im land Hamath. Dess voah so es eah nett kaynich sei soll in Jerusalem. Un eah hott's land Juda gmacht sivva dausend un fimf hunnaht pund silvah un fimf un sivvatzich pund gold betzawla in tax.
Da Joiakim hott's silvah un gold zumm Pharao gevva, avvah eah hott's land getaxt fa's geld greeya vi da Pharao gebodda katt hott. Eah hott silvah un gold gnumma funn di leit im land, yaydah ebbah hott en dayl gevva funn vass eah veaht voah zumm Pharao Necho.
Un's frucht fumm land gayt zu di kaynicha, es du ivvah uns ksetzt hosht deich unsah sinda. Si roola ivvah unsah leivah, ivvah unsah fee vi si vella; miah sinn in grohsi noht.
diah in di shtatt es yachtich is, diah in di shtatt es fraylich un yachtich is? Eiyah dohdi voahra nett doht gmacht mitt em shvatt, un aw nett uf em greeks-feld.
No sawksht du in deim hatz, ‘Veah hott miah dee geboahra? Ich voah bedreebt un unfruchtboah, ich voah vekk gedrivva un nunnah gedrayt. Veah hott dee ufgezowwa? Ich voah gans laynich glost, vo sinn dee bei kumma?’”
Vi leeblich uf di berga sinn di fees funn sellah es goodi zeiya bringd, sellah es fridda ausrooft, sellah es es fraylich vatt bei bringd, sellah es di saylichkeit breddicht, un sellah es sawkt zu Zion, “Dei Gott is kaynich!”
Feich dich nett, du zaylsht dich nett shemma, sei nett gedruvveld, du vasht nett fashohmd; dei shohm vo du yung voahsht zaylsht fagessa, un zaylsht nimmi droh denka an dei faniddahres, vo du en vitt-fraw vadda bisht.
Dess is vass da Hah sawkt: “Singet mitt frayt fa da Jakob; greishet fa's evvahsht land funn awl di lendah. Singet, gevvet dank un sawwet, ‘Oh Hah, helf dei leit, selli es ivvahrich sinn funn Israel.’
Da Gedalia, em Ahikam sei boo, un em Saphan sei kinds-kind, hott no kshvoahra zu eena un iahra mennah, un hott ksawt, “Feichet eich nett fa di Chaldayah deena. Bleivet im land un deenet da kaynich funn Babylon, no gayt's goot mitt eich.
un henn ksawt zumm brofayt Jeremia, “Miah bidda dich es du zumm Hah dei Gott baytsht fa awl dee es ivvahrich sinn. Du kansht sayna, miah voahra als feel, avvah nau sinn nett feel ivvahrich.
“Dess is vass da Awlmechtich Hah, da Gott funn Israel, sawkt: Diah hend's shreklich fadauves ksenna es ich uf Jerusalem un uf awl di shtett funn Juda gebrocht habb. Heit leiya si datt zammah grissa un nimmand voond drinn.
Fasell voah mei gleedichah zann ausgleaht un hott di shtett funn Juda un di shtrohsa funn Jerusalem ufgebrend, un hott si leah un fadauva gmacht vi si sinn heit.
Ich habb mei freind ohgroofa, avvah si henn mich ohkfiaht. Mei preeshtah un eldishti sinn umkumma in di shtatt, diveil es si ksucht henn fa ess-sach, so es si levendich bleiva kenna.
Vi oahrich hott da Hah di Dochtah Zion zu gedekt mitt di volk funn sei zann! Eah hott di hallichkeit funn Israel runnah kshmissa fumm himmel uf di eaht. Eah hott nett an sei foos-shtool gedenkt im dawk funn seim zann.
Di eldishti funn di Dochtah Zion, hokka shtill uf em bodda. Si shmeisa shtawb uf iahra kebb un doon sekk-glaydah oh. Di yunga mayt funn Jerusalem henka iahra kebb nunnah geyyich da grund.
No zayla awl di feddahshti am say nohch runnah kumma funn iahra kaynich-shteel. Si doon iahra ausahri rekk aus, un aw iahra ausgnaydi glaydah. Si zayla geglayt sei mitt angsht un uf em bodda hokka am ziddahra. Un si zayla fashtaund sei mitt diah.
“Mensha-kind, veil Tyrus ksawt hott veyyich Jerusalem, ‘Aha! Es doah funn di leit is nunnah gebrocha, un's is nau uf gmacht zu miah; so zayl ich reich vadda, veil Jerusalem fadauva datt leit,’
Ich zayl eich ausnannah shtroiya unnich di heida un zeek mei shvatt raus un kumm eich nohch. Eiyah land zayld veesht gmacht sei un eiyah shtett nunnah grissa sei.
Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.
Gevvet iahra so feel shmatza un druvvel zrikk es see sich selvaht hallichkeit un lushtheit gevva katt hott. In iahra hatz braekt see, ‘Ich binn en kaynich-fraw; ich binn kenn vitt-fraw un zayl nee nett dreebsawl sayna.’
