16 So habb ich ksawt, “Veisheit is bessah es graft.” Avvah em oahma mensh sei veisheit vatt niddah gezayld un sei vadda sinn nett abkeicht.
Veisheit macht en mann es veisheit hott, may greftich es zeyya roolahs in en shtatt.
En mann mitt veisheit is oahrich shteik, un en mann mitt eisicht vatt mechtichah mitt graft.
En mann mitt veisheit kann ivvah di shtatt-mavvah funn di mechticha gradla, un kann iahra shteikah blatz nunnah reisa es si sich falossa druff.
Veisheit is bessah es greeks-ksha avvah ay sindah kann feel shawda du zu sell vass goot is.
'S geld fumm reicha is sei shteiki shtatt, avvah di oahma gayn unnah veil si kenn geld henn.
Ich habb goodah roht un veisheit; ich habb eisicht un graft.
Veisheit gebt acht uf dich so vi geld acht gebt uf dich, avvah's goot ding veyyich veisheit is es es layva gebt zu sellah es es hott.
Vann en ax shtumb is un da shneit nett shauf gmacht vatt, dann nemd's may graft avvah mitt veisheit kann's faddich gmacht sei.
