Breddichah 2:10 - Pennsylvania Dutch Bible

¹⁰ Ich habb nix zrikk kalda es mei awwa havva henn vella. Alli blesiah es mei hatz hott vella, habb ich gedu. Mei hatz hott blesiah katt in alles es ich gedu habb, un sell voah di betzawling fa awl mei eahvet.

Breddichah 2:10 交叉參考

1. Mosi 3:6

Un vo di fraw ksenna hott es di frucht fumm bohm goot voah fa ess-sach, shay voah zu di awwa, un en falanga gebt fa veisheit greeya; hott si gnumma funn di frucht un hott gessa difunn. See hott aw samm zu iahra mann gevva es bei iahra voah, un eah hott gessa.

1. Mosi 6:2

dann henn di kinnah funn Gott ksenna es di mayt funn mensha shay voahra, un si henn veivah gnumma fa sich selvaht, ennichi es si henn vella.

Hiob 31:1

“Ich habb en bund gmacht mitt mei awwa, es ich nett an en yung maydel gukk mitt lusht.

Psalm 119:37

Dray mei awwa vekk funn sacha gukka es nix veaht sinn, mach mich shteik in dei vayya.

Psalm 128:2

Du esht di frucht es dei hend kshaft henn difoah; du zaylsht froh sei un's zayld goot gay mitt diah.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Breddichah 2:1

Ich habb in meim hatz gedenkt, “Nau zayl ich moll blesiah ausbroviahra fa sayna vass goodes es drinn is.” Avvah dess voah aw leah un unni mayning.

Breddichah 2:22

So vass grikt en mann fa awl sei eahvet un ohhaldes es eah dutt un shaft unnich di sunn?

Breddichah 2:24

Es besht ding es en mann du kann is fa essa un drinka un fa blesiah nemma in sei eahvet. Ich habb auskfunna es dee sacha funn Gott sei hand kumma,

Breddichah 3:22

So habb ich ausgmacht es es is nix bessah fa da mensh es fa frayt nemma in sei eahvet, fa sell is sei dayl in demm layva. Veah kann een an da blatz bringa es eah sayna kann vass es gevva zayld noch eem?

Breddichah 5:10

Veah-evvah es geld gleicht, hott nee nett genunk; veah-evvah es reich sei vill, vatt nee nett genunk betzawld. Dess hott aw kenn mayning.

Breddichah 5:17

Sei layva lang est eah im dunkla un dreebsawl, mitt feel aylenda, grankheit un zann.

Breddichah 5:18

No habb ich auskfunna es es goot un recht is es en mann est un drinkt un frayt hott in sei eahvet unnich di sunn in di katz zeit es Gott eem gevva hott fa layva, fa dess is sei dayl.

Breddichah 6:2

Gott macht en mensh reich un gebt eem feel sach so es eah alles hott es sei hatz havva vill, avvah Gott alawbt een nett's goot greeya difunn. In blatz funn sell grikt en fremdah's goot difunn. Awl dess is leah, gebt layva kenn mayning un is en grohs evil.

Breddichah 6:9

Vass ma hott un di awwa sayna doon, is bessah es sell es di sayl falanga dutt. Dess is aw leah, unni mayning, un am broviahra da vind fanga.

Breddichah 8:15

So glawb ich es da mensh blesiah havva sett in seim layva. Fa's is nix bessah unnich di sunn es fa essa un drinka un fraylich sei. No bleibt dess bei eem in sei eahvet deich awl di dawwa funn seim layva es Gott eem gebt unnich di sunn.

Breddichah 9:6

Iahra leevi un hass un fagunsht sinn shund lang faganga; si zayla kenn dayl may havva mitt ennich ebbes es es gebt unnich di sunn.

Breddichah 9:9

Sei fraylich in demm layva mitt dei fraw es du leeb hosht so lang es du laybsht in demm katz layva es Gott diah gevva hott unnich di sunn. Fa dess is dei dayl im layva un in dei eahvet es du dusht unnich di sunn.

1. Johannes 2:16

Fa alles es in di veld is, da lusht fumm flaysh, da lusht funn di awwa, un da hohchmoot fumm layva, kumd nett fumm Faddah avvah funn di veld.

Richtah 14:2

Eah is no zrikk kumma un hott ksawt zu sei maemm un daett, “Ich habb en Philishtah maydel ksenna in Thimnath. Nau greeyet see fa mei fraw sei.”