2. Korinther 1:3 - Pennsylvania Dutch Bible

³ Glohbt sei Gott un da Faddah funn unsahm Hah Jesus Christus, da Faddah funn bamhatzichkeit, un da Gott funn awl drohsht.

2. Korinther 1:3 交叉參考

1. Petrus 1:3

Glohbt sei Gott un da Faddah funn unsahm Hah Jesus Christus, deah vo uns viddah-geboahra gmacht hott zu en levendichi hofning in seinra grohsi bamhatzichkeit deich di uffashtayung funn Jesus Christus funn di dohda.

Epheser 1:3

Glohbt sei Gott un da Faddah funn unsahm Hah Jesus Christus, deah vo uns ksaykend hott in Christus mitt alli geishtlichi sayya in himlishi bletz.

Micha 7:18

Veah is en Gott vi du, deah es sinda fagebt un es di shulda fagest funn dei leit es ivvahrich sinn? Dei zann bleibt nett fa'immah, avvah du gleichsht bamhatzich sei.

Psalm 86:5

Du, oh Hah, bisht goot un immah grisht fa fagevva mitt shtandhaftichi-leevi zu selli es dich ohroofa.

Philipper 2:11

Un alli zung soll bekenna es Jesus Christus da Hah is, zu di hallichkeit funn Gott da Faddah.

Epheser 1:17

Ich bayt es da Gott funn unsahm Hah Jesus Christus un da Faddah funn hallichkeit eich da geisht funn veisheit un eisicht gebt fa een bessah fashtay.

2. Johannes 1:9

Veah-evvah es ivvah-dredda dutt un bleibt nett in di leah funn Christus, hott nett Gott. Deah vo in di leah funn Christus bleibt, hott da Faddah un da Sohn awl zvay.

Daniel 9:9

Da Hah unsah Gott is bamhatzich un fagebt uns, even vann miah uns kshteibaht henn geyyich een.

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Psalm 86:15

Avvah du, oh Hah, bisht en bamhatzichah un en gnaydichah Gott, un bisht geduldich mitt feel leevi un shtandhaftichkeit.

2. Korinther 11:31

Da Gott un Faddah funn unsah Hah Jesus Christus, vo ksaykend is ayvichlich, vayst es ich nett leek.

Psalm 72:19

Glohbt is sei hallichah nohma fa'immah; loss di gans eaht kfild sei mitt sei hallichkeit. Amen! Amen!

Psalm 18:46

Da Hah laybt! Glohbt is eah, mei Felsa! Gott mei Heiland soll hohch uf kohva sei!

Nehemia 9:5

No henn di Lefiddah, da Jesua, da Kadmiel, da Bani, da Hasabneia, da Serebia, da Hodia, da Sebania un da Pethahia ksawt, “Shtaynd uf, un lohvet da Hah eiyah Gott fa'immah un immah! Ksaykend is dei hallichah nohma, loss een ufkohva sei ovvich alli sayya un preis!

2. Johannes 1:4

Ich habb mich oahrich kfroit fa ausfinna es samm funn dei kinnah am lawfa sinn in di voahheit, grawt vi miah en gebott grikt henn fumm Faddah.

Johannes 10:30

Ich un da Faddah sinn ayns.”

1. Mosi 14:20

Un ksaykend sei da Alli-Haychsht Gott, vo dei feinda in dei hand gedu hott.” No hott da Abram eem en zeyyadel funn alles gevva.

Johannes 20:17

Jesus hott ksawt zu iahra, “Du mich nett ohrayya, veil ich noch nett nuff ganga binn zumm Faddah. Avvah gay zu mei breedah un sawk eena es ich am nuff zu meim Faddah un eiyah Faddah gay binn; zu meim Gott un zu eiyah Gott.”

Hiob 1:21

“Nakkich binn ich funn mei maemm iahra leib kumma, un nakkich gayn ich viddah zrikk. Da Hah hott gevva, un da Hah hott vekk gnumma; ksaykend sei da nohma fumm Hah.”

1. Chronik 29:10

Da Dawfit hott no da Hah glohbt fannich di gans fasamling, un hott ksawt, “Glohbt bisht du, oh Hah, da Gott funn unsah faddah Israel, un dess is fa'immah un fa'immah.

Psalm 68:35

Unbegreiflich is Gott in seim heilicha tempel; da Gott funn Israel gebt macht un graft zu sei leit. Glohbt sei Gott!

Jesoiya 66:13

Vi en maemm iahra kind draysht, so draysht ich eich, un diah vaddet gedraysht in Jerusalem.”

2. Korinther 7:6

Avvah Gott, deah vo di bedreebda draysht, hott uns gedraysht deich dess es da Titus bei kumma is.

Kolosser 1:3

Miah danka Gott, da Faddah funn unsah Hah Jesus Christus, un bayda immah fa eich,