1. Timotheus 2:9 - Pennsylvania Dutch Bible

⁹ Ich vill aw havva es di veibsleit sich oh doon mitt shiklichi glaydah in shohm un daymoot, nett mitt gezebdi hoah, adda gold un pearls un deiyahri rekk.

1. Timotheus 2:9 交叉參考

Jeremia 4:30

Vass bisht du am du, oh Jerusalem, es fadauva sei zayld? Favass dusht du rohdi glaydah oh, un veahsht keshtlichi shtay un gold? Favass dusht dei ksicht shay macha? Du machsht dich shay fa nix. Selli es du havva vitt, vella dich nett, si vella dich doht macha.

Psalm 149:4

Fa da Hah hott blesiah in sei leit, eah dekt di daymeedicha ivvah mitt saylichkeit.

Jesoiya 3:16

Da Hah sawkt, “Di veibsleit funn Zion sinn shtols, si lawfa mitt iahra kebb in di hay, un mitt lusht in di awwa, si lawfa rumm mitt katzi shritt, un macha di rings klingla an iahra fees.

Jeremia 2:32

Dutt en yung maydel fagessa iahra shay sach ohdu, adda en hochtzich-maydel iahra hochtzich glaydah? Doch mei leit henn mich fagessa, fa may dawwa es ma zayla kann.

2. Kaynicha 9:30

Vo da Jehu an Jesreel kumma is, hott di Jesebel keaht difunn. No hott see iahra awwa shay gmacht, iahra ksicht ufkshmikt un hott zumm fenshtah naus gegukt.

Shpricha 7:10

No is di fraw raus kumma een ohdreffa; see voah ohgedu vi en huah, un hott shlichtichi gedanka katt.

1. Mosi 24:53

Da gnecht hott no sacha funn silvah un sacha funn gold, un glaydah raus gebrocht un hott si zu di Rebekka gevva. Eah hott aw deiyah shtoft zu iahra broodah un maemm gevva.

Jesoiya 61:4

Si zayla viddah ufbauwa vass zammah kfalla voah, un di bletz fixa es lang zrikk fadauva voahra: Si macha di fadauvana shtett viddah nei, selli es lang zrikk nunnah grissa voahra.

Esther 5:1

Uf em dridda dawk hott di Esther iahra kaynichi glaydah ohgedu un hott sich in da innahlich hohf fumm kaynich-haus kshteld, fannich em kaynich sei shtubba. Da kaynich hott uf sei kaynich-shtool kokt in di kaynich-shtool shtubb, vo ma nei gayt in's kaynich-haus.

Shpricha 31:22

See macht sich shayni dekk fa iahra bett; iahra glaydah sinn gmacht aus fei purpel linnen duch.

Matthäus 11:8

Vass sind diah naus ganga fa sayna? En mann es feini glaydah oh hott? Yusht dee vo in kaynich-heisah voona veahra feini glaydah.

Shpricha 31:25

See is geglayt mitt graft un eah, un see hott kenn angsht veyyich di dawwa es am kumma sinn.

1. Timotheus 2:10

Si sella goodi verka du vi's shiklich is fa veibsleit es sich bekenna fa gettlich sei.