1. Samuel 5:7 - Pennsylvania Dutch Bible

⁷ Vo di leit funn Asdod ksenna henn vass am ohgay voah, henn si ksawt, “Di Bundes-Lawt fumm Gott funn Israel dauf nett do bleiva bei uns, fa sei hand is shveah uf uns un uf em Dagon unsah gott.”

1. Samuel 5:7 交叉參考

2. Samuel 6:9

Sellah dawk hott da Dawfit sich kfeicht veyyich em Hah un eah hott ksawt, “Vee kann di Bundes-Lawt fumm Hah selayva zu miah kumma?”

1. Chronik 15:13

Veil diah Lefiddah di Bundes-Lawt nett gedrawwa hend's eahsht mohl, is da Hah unsah Gott raus gebrocha in zann geyyich uns. Dess voah aw veil miah een nett kfrohkt katt henn da vayk vi's kfoddaht is.”

2. Mosi 10:7

Em Pharao sei gnechta henn no ksawt zu eem, “Vee lang zayld deah mann en fall sei zu uns? Loss di leit gay so es si da Hah, iahra Gott, deena kenna. Kansht du noch nett sayna es Egypta alles fadauva is?”

2. Mosi 12:33

Di Egyptah henn di leit ksawt fa sich dumla un's land falossa, fa si henn ksawt, “Miah zayla awl shtauva.”

2. Mosi 8:28

No hott da Pharao ksawt, “Ich loss eich gay so es diah opfahra kennet zumm Hah eiyah Gott in di vildahnis. Avvah diah daufet nett veit vekk gay. Baydet fa mich.”

2. Mosi 8:8

No hott da Pharao da Mosi un da Aaron bei groofa un hott ksawt, “Bitt da Hah es eah dee fresh vekk nemd funn miah un mei leit. No loss ich di leit gay, so es si opfahra kenna zumm Hah.”

2. Mosi 9:28

Baydet zumm Hah. Miah henn genunk funn Gott sei gviddah un shlohsa. Ich loss eich gay; diah brauchet nimmi do bleiva.”

Jeremia 46:25

Da Awlmechtich Hah, da Gott funn Israel sawkt: “Ich zayl shtrohf uf da Amon, da gott funn No bringa, un aw uf da Pharao un Egypta un iahra gettah un kaynicha, un aw selli es sich falossa uf da Pharao.

Jeremia 48:7

Veil du dich falosht uf dei verka un geld, zaylsht du aw kfanga vadda; un dei abgott Kemosh vatt vekk gnumma, un aw sei preeshtah un feddahshti.

1. Samuel 4:8

Miah sinn in druvvel! Veah kann uns frei macha funn di hand funn dee mechticha gettah? Dess sinn di gettah es di Egyptah kshlauwa henn mitt alli sadda veeshti grank-heida in di vildahnis.

1. Samuel 5:6

Nau di hand fumm Hah voah shveah uf di leit funn Asdod un uf di leit in lendah datt rumm; eah hott si fagelshtaht un hott si geblohkt mitt kshveahra.

1. Samuel 5:8

So henn see awl di roolahs funn di Philishtah zammah groofa un henn kfrohkt, “Vass sella miah du mitt di Bundes-Lawt fumm Gott funn Israel?” Un si henn ksawt, “Losset di Bundes-Lawt fumm Gott funn Israel an Gath gebrocht sei.” So henn si di Bundes-Lawt fumm Gott funn Israel datt anna gebrocht.

1. Samuel 6:20

Un di leit funn Beth-Semes henn kfrohkt, “Veah kann fannich em Hah shtay, so en heilichah Gott? Zu vemm kenna miah een anna shikka?”