1. Kaynicha 9:3 - Pennsylvania Dutch Bible

³ Da Hah hott ksawt zu eem: “Ich habb dei gebayt un frohk keaht es du gmacht hosht zu miah; ich habb deah tempel es du gebaut hosht heilich gmacht bei mei Nohma datt anna du fa'immah. Mei awwa un hatz zayla immah datt sei.

1. Kaynicha 9:3 交叉參考

1. Johannes 5:14

Dess is di fadrauwa es miah henn in eem; vann miah ennich ebbes frohwa noch seim villa, dann heaht eah uns.

Psalm 10:17

Du heahsht da falanga funn di daymeedicha, oh Hah, du machsht si shteik im hatz un heichsht si oh.

2. Kaynicha 20:5

“Gay un sawk em Hiskia, da foah-gengah funn mei leit, ‘Dess is vass da Hah, da Gott funn deim faddah da Dawfit sawkt: Ich habb dei gebayt keaht un habb dei awwa-vassah ksenna; ich zayl dich hayla. Uf em dridda dawk funn nau zaylsht du nuff an da tempel fumm Hah gay.

1. Kaynicha 8:29

Loss dei awwa uf sei geyyich deah tempel dawk un nacht, deah blatz es du ksawt hosht, ‘Mei Nohma soll datt sei,’ so es du's gebayt heahsht es dei gnecht bayt noch demm blatz.

Psalm 116:1

Ich leeb da Hah, veil eah mei shtimm un mei gebayt keaht hott.

5. Mosi 11:12

Es is en land es da Hah eiyah Gott acht gebt druff. Di awwa fumm Hah eiyah Gott sinn immah druff fumm ohfang fumm yoah biss an's end fumm yoah.

2. Chronik 6:40

Nau, mei Gott, loss dei awwa uf sei un dei oahra abheicha zu di gebaydah es gmacht vadda in demm blatz.

Di Apostelgeschichte 10:31

Un deah mann hott ksawt, ‘Kornelius, dei gebayt is keaht vadda. Un Gott hott acht katt vi du di oahmi leit helfa dusht.

Matthäus 6:9

So dann, dess do is vi diah bayda sellet: Unsah Faddah im Himmel, loss dei nohma heilich sei,

2. Mosi 20:11

Fa in sex dawk hott da Hah da himmel, di eaht, da say un alles es drinn is gmacht, un uf em sivvada dawk hott eah groot. Fa sell hott da Hah da Sabbat-Dawk ksaykend un hott'n heilich gmacht.

Daniel 9:23

Grawt vo du ohkfanga hosht bayda, voah's andvat shund gevva gvest. Un ich binn kumma diah's gevva, fa du bisht hohch ohksenna. So gebb acht un heich, so es du di vision fashtay kansht.

Jeremia 15:1

No hott da Hah ksawt zu miah, “Even vann da Mosi un da Samuel fannich miah shtay dayda, doch dayt mei hatz nett zu dee leit drayya. Dreib si vekk funn miah! Loss si gay!

5. Mosi 16:11

Diah sellet fraylich sei fannich em Hah eiyah Gott, diah, eiyah boova un mayt, eiyah gnechta un mawda, di Lefiddah in eiyah shtett, di ausahra, selli unni eldra un di vitt-veivah unnich eich. Dess soll gedu sei am blatz es da Hah eiyah Gott raus layst, datt vo diah sei nohma deena sellet.

5. Mosi 12:11

No zayld da Hah eiyah Gott en blatz raus laysa vo sei nohma bleiva zayld. Datt sellet diah alles anna bringa es ich eich bitt: eiyah brand-opfahra un shlacht-opfahra, eiyah zeyyadel opfahra un en opfah gebrocht mitt di hand, un eiyah beshti opfahra es diah fashprocha hend zumm Hah.

4. Mosi 16:38

Un veyyich di insens-shisla funn di mennah es umkumma sinn deich iahra sinda, hammah si in blech, fa da awldah ivvah-zeeya mitt. Di shisla voahra fannich da Hah gedu un sinn heilich vadda. Loss si sei fa en zaycha zu di Kinnah-Israel.”

Johannes 11:42

Ich habb gvist es du mich immah heahsht, avvah ich habb dess ksawt fa dee leit vo do bei miah shtayn, so es si glawva es du mich kshikt hosht.”

Psalm 66:19

Avvah Gott hott mich gevislich keaht, un hott acht katt fumm gebayt funn mei shtimm.

5. Mosi 12:21

Vann sellah blatz zu veit vekk is funn eich es da Hah eiyah Gott raus glaysa hott fa sei nohma voona lossa, dann daufet diah kee un shohf doht macha es da Hah eich gevva hott. Un vi ich eich gebodda habb, diah daufet si essa in eiyah shtett so feel es diah vellet.

5. Mosi 12:5

Diah sellet da blatz sucha es da Hah eiyah Gott raus layst unnich awl eiyah shtamma fa sei nohma havva un vo eah bleiva zayld. Datt sellet diah anna gay fa een deena.

2. Kaynicha 21:7

Eah hott en Ashera-poshta gmacht un hott en in da tempel gedu, dess es da Hah ksawt katt hott zumm Dawfit un sei boo da Solomon, “In deah tempel un in Jerusalem es ich raus ksetzt habb aus awl di shtamma funn Israel, zayl ich mei Nohma anna du fa'immah.

2. Chronik 33:7

Eah hott's abgott-gleichnis gnumma es eah macha glost hott, un hott's in Gott sei tempel gedu, funn demm es Gott ksawt katt hott zumm Dawfit un sei boo da Solomon, “In deah tempel un in Jerusalem, di shtatt es ich gnumma habb aus awl di shtamma funn Israel, zayl ich mei Nohma nei du fa'immah.

Ezra 6:12

Loss da Gott es sei Nohma datt voona glost hott, ennichah kaynich adda ennichi leit umbringa es iahra hend uf hayva fa dee vadda fa'ennahra, adda fa deah tempel in Jerusalem fadauva. Ich, da Darius, habb dess gebott gevva, un ich vill's ausgedrawwa havva mitt fleis.”

Psalm 34:17

Di gerechta roofa, un da Hah heaht si, un macht si frei funn awl iahra druvvel.

2. Mosi 29:44

Ich mach da fasamling-tent un da awldah heilich. Ich mach aw da Aaron un sei boova heilich fa mei preeshtah sei.

Psalm 65:3

Unsah sinda henn uns nunnah gedrikt, avvah du fagebsht unsah ivvah-dreddes.

Jeremia 7:10

un no kumma un fannich miah shtay in demm haus, es meim Nohma nohch gnohmd is, un sawwa, “Miah sinn frei”—frei fa awl dee grausami sacha du?