1. Johannes 2:5 - Pennsylvania Dutch Bible

⁵ Avvah veah-evvah es sei Vatt hald, in eem is veiklich di leevi funn Gott folkumma. Deich dess vissa miah es miah in eem sinn.

1. Johannes 2:5 交叉參考

Johannes 14:23

Jesus hott eem ksawt, “Vann ebbah mich leeb hott, hald eah mei Vatt. Un mei Faddah leebt een, un miah kumma zu eem un macha unsah haymet bei eem.

Johannes 14:21

Deah vo mei gebodda hott, un si hald, deah dutt mich leeva. Un mei Faddah dutt deah leeva vo mich leebt, un ich du een leeva un du mich veisa zu eem.”

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

1. Johannes 3:24

Un veah sei gebodda hald, laybt in eem, un eah in eem. Un bei demm vissa miah es eah in uns laybt, bei em Geisht vo eah uns gevva hott.

Psalm 119:2

Ksaykend sinn selli es sei zeiknisa halda, selli vo een sucha mitt iahra gans hatz,

Di Offenbarung 14:12

Dess frohkt fa geduld funn di saylicha es di gebodda funn Gott un iahra glawva in Jesus halda.

1. Johannes 5:2

Bei demm vissa miah es miah di kinnah funn Gott leeva, vann miah Gott leeva un halda sei gebodda.

Johannes 15:5

Ich binn da drauva-shtokk; diah sind di nesht. Deah vo in miah bleibt, un ich in eem, deah grikt feel frucht, veil unni mich kennet diah nix du.

Ezekiel 36:27

Ich zayl mei Geisht in eich du un mach es diah mei gebodda nohch lawfet un mei ksetz halda doond.

1. Johannes 4:18

Es is kenn angsht in di leevi, avvah folkummani leevi dreibt angsht aus, veil angsht zu du hott mitt shtrohfa. Deah vo sich feicht is nett folkumma in di leevi.

Psalm 119:146

Ich roof naus zu diah, helf miah, ich zayl dei zeiknisa halda.

2. Korinther 5:17

So, vann ennich ebbah in Christus is, is eah en nei-gmachtah mensh; es alda is faganga, un alles is nei vadda.

Di Offenbarung 12:17

Dess dracha-diah voah bays mitt em veibsmensh un is ganga fa greek macha mitt's ivvahrich funn em veibsmensh iahra nohch-kummashaft, dee vo Gott sei gebodda halda un henn's zeiknis funn Jesus Christus.

1. Johannes 5:20

Miah vissa es Gott sei Sohn kumma is, un hott uns eisicht gevva, so es miah deah kenna kenna es voahheit is. Miah sinn in demm vo di voahheit is, sell is, in sei Sohn Jesus Christus. Eah is da voahhaftich Gott un's ayvich layva.

1. Korinther 1:30

Deich een sind diah in Jesus Christus, deah vo Gott gmacht hott unsah veisheit, gerechtichkeit, heilichkeit un saylichkeit sei.

Römer 8:1

So nau is kenn fadamnis fa selli vo in Christus Jesus sinn; in selli vo nett lawfa noch em flaysh, avvah noch em Geisht.

Jakobus 2:22

Du kansht sayna es sei glawva un sei verka zammah kshaft henn, un sei glawva foll kumma is vadda deich sei verka.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

Johannes 6:56

Deah vo mei flaysh est un mei bloot drinkt bleibt in miah un ich in eem.

Breddichah 8:5

Veah-evvah es eem heicht kumd nett in druvvel, un en hatz mitt veisheit vayst vass zu du an di recht zeit.

Psalm 106:3

Ksaykend sinn selli es sei gebott halda, un immah doon vass recht is.

Shpricha 8:32

Nau dann, mei kinnah, heichet mich ab, ksaykend sinn selli es mei vayya halda.

Psalm 119:4

Du hosht dei adnunga nunnah glaykt, un si sella fleisich kalda sei.

Shpricha 28:7

En boo es es ksetz hald hott veisheit, avvah aynah es sich uf hald mitt fressah shohmd sei daett.

Psalm 105:45

so es si sei gebodda halda sella, un du vass sei ksetza sawwa. Halleluja!

1. Johannes 4:17

In demm is di leevi folkumma gmacht mitt uns, so es miah feichtlohs sinn im richtah-dawk, fa vi eah is, so sinn miah in di veld.

2. Johannes 1:6

Dess is di leevi, es miah lawfa noch sei gebodda. Un dess is es gebott vo diah keaht hend fumm ohfang, es miah datt drinn lawfa sella.