14 И кочкась кемгафтува тонафни, конатненди фалу улема мархтонза, конатнень Сон кучселезень Пара кулять азондома
Иисус куцсь панда лангс и тердезень сятнень, кинь мялецоль тердемс, и синь састь Тейнза.
и конатнень улель азорксшисна пчкафнемс урматнень и панцемс кяжи ваймопожфнень.
Апостолхне мрдасть Иисусти и азондозь тейнза семботь, мезе синь тисть и мезьс тонафтозь ломаттнень.
И Сонь лемсонза эряви тердемс сембе ломаньтналхнень шарфтомс Шкайти пежеснон нолдафтоманкса. Ушедода Иерусалимста.
Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.
Но мзярда лангозонт валги Иняру Ваймопожфсь, тейнть максови вий и карматада азондома ломаттненди семботь, мезе содатада колган – Иерусалимса и марнек Иудеяса, Самариясонга и мянь модать пенц самс».
Мон, Павел, кона арась апостолкс аф ломаттнень эзда и аф ломань вельде, а Иисус Христость эзда и Шкай Алять эзда, кона вельмафтозе Иисусонь кулофста.
