Павелонь омбоце сёрмац Тимофеенди 3:15 - Од Соткс Новый Завет на мордовском-мокша языке 2016

¹⁵ Тяфта жа тон ни шабакстокиге содасайть иняру Сёрматфкснень, конат маштыхть тиемс тонь смузюкс, и сяс тон Христос Иисусти кемамать вельде кармат идеф.

Павелонь омбоце сёрмац Тимофеенди 3:15 交叉參考

Матфей 22:29

Иисус корхтай каршезост: «Тинь васькафтфтада-эрьготьфтада, сяс мес аф содасасть аф Сёрматфксть, аф Шкайть виенц.

Лука 1:15

сяс мес сон ули пяк оцю Азорть инголе. Сон аф кармай симома винада и лия иретьфтида и тядянц потмостокиге пяшкоди Иняру Ваймопожфта.

Лука 2:40

Иднясь кассь-кеподсь и кемокснесь ваймопожфса; Сон пяшкотькшнесь смузьса и Шкаень пароказнесь ульсь мархтонза.

Лука 24:27

И Сон ёфнезень тейст сембе васттнень Сёрматфксста, коса корхтави Сонь колганза, сявомок Моисейста и сембе пророкнень эзда.

Лука 24:32

Синь фкя-фкянди мярьгсть: «Кали ашесть пала минь седиеньке, мзярда Сон корхтась тейнек ки лангса и мзярда панжезе тейнек Сёрматфксть смузенц?»

Лука 24:45

Тяда меле Иисус панжезе синь ёньцнон Сёрматфксть шарьхкодеманцты.

Иоанн 5:47

Кда ни сонь сёрматфонзонды аф кематада, кода карматада кемама Монь валненди?»

Апостолхнень тевсна 10:43

Сембе пророкне азондыхть колганза: эрти, кие кемай Тейнза, максови пежень нолдама Сонь лемонц вельде».

Апостолхнень тевсна 13:29

Мзярда пяшкодезь семботь, мезе азфоль колганза Сёрматфксса, валхтозь Сонь крёзста и путозь калму.

Апостолхнень тевсна 16:1

Павел пачкодсь Дервияв и Листрав. Тоса эрясь Иисусонь фкя тонафниец, конань лемоц Тимофей. Сонь тядяц ульсь евреень ава, кона кармась кемама Иисусонди, а аляц греколь.

Апостолхнень тевсна 17:2

Павел, кода тиендсь фалу, тусь синагогав. Тоса сон мельцек колма недялянь ваймамань шитнень корхнесь мархтост Сёрматфксть колга,

Апостолхнень тевсна 26:24

Павел нинге корхтась эсь прянц араламанкса, мзярда Фест сязезе корхтаманц, ювадсь: «Тон ёньда лисеть, Павел! Вельф оцю содамошись шорязе пряцень».

Павелонь сёрмац Риму 1:2

конань Шкайсь инголькиге надияфтозе Эсь пророконзон вельде иняру Сёрматфксса.

Павелонь сёрмац Риму 2:27

Ланга аф керфсь, кона сембоса пяшкотькшнесы койть, кармай судендамот тонь, коень колсить, хуш тон и содасак койть и тиеть киськопень керома.

Павелонь васенце сёрмац Коринфу 1:21

Шкайсь няфтезе Эсь смузьшинц, но мзярда масторлангсь эсь смузьшисонза ашезе сода и ашезе шарьхкоде Шкайть, эста Шкайсь арьсесь идемс кемайхнень тя «ёньфтома» кулять вельде, конань минь пачфнесаськ.

Павелонь сёрмац Ефесу 6:4

И тиньге, алят, тясть сафне идентень кяжснон, а трясть-касфтость Азорть тонафтоманц и мярьгоманц коряс.

Павелонь васенце сёрмац Тимофеенди 4:13

Мзярс аф саян: лувонтк Сёрматфксть ломаттненди, кемокстак и тонафтт синь эсост.

Павелонь омбоце сёрмац Тимофеенди 1:1

Павел, Шкайть мяленц коряс Христос Иисусонь апостолоц, кона кучф пачфнемс кулять надияфтф эряфть колга Христос Иисусса,

Павелонь омбоце сёрмац Тимофеенди 1:5

Мон мяляфтса тонь панжадонь седихть кемамацень, кона инголи ульсь тонь Лоида бабацень и Евники тядяцень седисост. Мон кеман, тя кемамась ули тонь седисотка.

Пёторонь омбоце сёрмац 3:16

Тянь колга сон сёрмады сембе сёрманзон эса, коса сон азонды ня тефнень колга. Ня сёрматнень эса улихть стама васттка, конатнень стака шарьхкодемс и конатнень кржа содайхне и аф кеме вайме ломаттне колсесазь-тапсесазь. Синь колсесазь и лия Сёрматфксненьге и тяфта таргайхть эсь лангозост юмама-арама.

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».