Павелонь омбоце сёрмац Тимофеенди 1:3 - Од Соткс Новый Завет на мордовском-мокша языке 2016

³ Мон сюконян Шкайти, конанди покодян ару ваймовайгяльса кунардонь пингонь раднянень лаца, и фалу, шинек-венек, лятфнете тонь эсь озондомасон.

Павелонь омбоце сёрмац Тимофеенди 1:3 交叉參考

Лука 2:37

сяльде кадовсь удавакс, а тяни ни тейнза кафксогемонь нилие киза. Сон мзярдонга ашезе кадонда Шкаень кудть, тосоль шинек-венек, постонь кирдезь и озондозь сюконясь-покодсь Шкайти.

Апостолхнень тевсна 22:3

«Мон евреян, – поладозе Павел, – шачень Киликиянь Тарс ошса, и тонафнень тяса Иерусалимса Гамалиилонь ширеса. Мон тонафтфолень аляньконь коенц кемоста ванфтоманцты. Тяфта, палы седихть мон покодень Шкайти, кода тяни тинь.

Апостолхнень тевсна 23:1

Павел варжакстсь Оцю пуромксонь ломаттнень лангс, мярьгсь: «Ялгат! Мон сембе эряфозень и тячиень шить самс ару ваймот эрянь Шкайть инголе».

Апостолхнень тевсна 24:14

Но мон виденцян тейть: ся тонафтомать коряс, конань синь лемнесазь сектакс, мон видекс покодян алянень Шкайснонды, кеман семботи сянди, мезе тяштьф Моисеень койса и пророкнень эса.

Апостолхнень тевсна 24:16

Сяс мон семботь тиса ваймозень аруста ванфтоманкса ломаттнень и Шкайть инголе.

Апостолхнень тевсна 26:4

Монь эряфозень од пингстонкиге сявомок, кона ётнесь васенда ломаньтналозень ёткса Иерусалимса, содасазь сембе еврейхне.

Апостолхнень тевсна 27:23

Сяс мес тя веня тейне эвондакшнесь ангел. Сон сась Шкайть эзда, конаннян мон и конанди покодян,

Павелонь сёрмац Риму 9:1

Мон корхтаса видеть и кемокстаса тянь Христость лемса. Мон аф кяльготнян и тянь кемокстасы монь ваймовайгялезе, кона вятневи Иняру Ваймопожфса.

Павелонь омбоце сёрмац Коринфу 1:12

Минь шнатама пря, сяс мес ару ваймовайгяленьке кемокстай эсонк: минь тя масторлангса, а сембода пяк тинь ётксонт, эряме седиень панжезь и виде ваймоса, Шкайть мяленц коряс. Прянь вятемаса минь тиендеме аф ломанень смузьшить коряс, а Шкаень пароказнеть коряс.

Павелонь сёрмац Галатияв 1:14

Эсь ломаньтналсон фкя кизонь ялганень ёткса мон улень сембода инголе евреень кемамаса. Мон вельф псиста аралань-пяшкодень койхнень, конатнень тейнек кадозь кунардонь пингонь аляньке.

Павелонь сёрмац Ефесу 1:16

апак лотксек сюконякшнян инксонт Шкайти, и лятфнетядязь тинь эсь озондомасон.

Павелонь васенце сёрмац Фессалоникав 3:10

Шинек-венек седиге минь озонттама: максоза Шкайсь тейнек няемс тинь шамаликонтень и пяшкодемс сянь, мезе аф сатни нинге тинь кемамасонт.

Павелонь васенце сёрмац Тимофеенди 1:19

ванфнемок кемамацень и ару ваймовайгяльцень. Кой-конат сонь юмафтозь и кемамасна лазовсь, кода лазови венчсь, мзярда цяподи оцю кевти.

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Павелонь васенце сёрмац Тимофеенди 5:5

Удавась, кона афкукс илядсь ськамонза, кемай Шкайть лангс и шинек-венек эняльтькшни и озонкшни Тейнза.

Павелонь омбоце сёрмац Тимофеенди 1:5

Мон мяляфтса тонь панжадонь седихть кемамацень, кона инголи ульсь тонь Лоида бабацень и Евники тядяцень седисост. Мон кеман, тя кемамась ули тонь седисотка.

Павелонь омбоце сёрмац Тимофеенди 3:15

Тяфта жа тон ни шабакстокиге содасайть иняру Сёрматфкснень, конат маштыхть тиемс тонь смузюкс, и сяс тон Христос Иисусти кемамать вельде кармат идеф.

Еврейхненди сёрмась 13:8

Иисус Христоссь фкя тяка и исяк, и тячи, и пефтома пингс.