Павелонь васенце сёрмац Тимофеенди 1:3 - Од Соткс Новый Завет на мордовском-мокша языке 2016

³ Македонияв тумстон мон мярьгонь тейть илядомс Ефесса и тоса кардамс кой-кона ломаттнень: катк аф пачфнихть лия тонафтомат,

Павелонь васенце сёрмац Тимофеенди 1:3 交叉參考

Апостолхнень тевсна 18:19

Мзярда синь пачкодсть Ефесу, Павел кадозень Прискиллань и Акилань, а сонць тусь синагогав и кармась корхнема еврейхнень мархта.

Апостолхнень тевсна 18:21

Явомстост мярьгсь: «Тейне пяк эряви ётафтомс сай Очижить Иерусалимса. Улендяряй Шкайть мялец, мрдан тейнть». И сон тусь Ефесста ведьге. (А Акилань мархта Прискилла лядсть Ефесса.)

Павелонь сёрмац Риму 15:26

Тевсь ва мезьса: Македониянь и Ахаиянь кемаень пуромксне кочкасть лезкс Иерусалимонь ашушиса эряй кемай ялганьконди.

Павелонь сёрмац Риму 16:17

Мон эняльдян, кемай ялгат, ванфтода пря сятнень эзда, конат шорсемок ётконтень, явфнетядязь тинь. Синь ускихть эсонт ся тонафтомать эзда, кона максф тейнть. Аеркшнеда тяфтапнень эзда.

Павелонь омбоце сёрмац Коринфу 11:4

Вдь мзярда кати-кит сашендыхть тейнть и лиякс азондыхть Иисусонь колга – аф стане, кода минь азондоме тейнть, али макссазь тейнть аф ся Ваймопожфть, конань минь тейнть максоськ; али пачфнихть лия Пара куля, конань минь ашеськ пачфне, – тяфтама ломаттнень тинь оцю мяльса кирдьсасть!

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Павелонь сёрмац Филиппав 2:24

Мон Азорса пяк кеман: курок монцьке саян тейнть.

Павелонь васенце сёрмац Тимофеенди 4:11

Тянди кошартт и тянди тонафтт.

Павелонь васенце сёрмац Тимофеенди 4:6

Кда тон кармат тяфта тонафтомост эсь кемай ялгатнень, эста тон улят цебярь покодикс Иисус Христости, и сядонга касат кемамань валхнень вельде и цебярь тонафтомать вельде, конань мельге тон туть.

Павелонь васенце сёрмац Тимофеенди 5:7

Тянь колга азонтт тейст, эста эряфсна ули аф мувору.

Павелонь васенце сёрмац Тимофеенди 6:10

Сяс мес ярмаконь кельгомась – эрь кодама кальдявть юроц. Улихть ломатть, конатнень ярмаконь кельгомась шарфтозень кемамать эзда и кандсь тейст лама ризф-сталма.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Павелонь васенце сёрмац Тимофеенди 6:3

А кда кие лиянди тонафты и аф кулхцондсыне Азороньконь Иисус Христость шумбра валонзон и ся тонафтоманц, кона лезды эрямс Шкайть мяленц коряс,

Павелонь омбоце сёрмац Тимофеенди 1:18

Катк Азорсь макссы тейнза Эсь кельгозь ужяльдеманц ся мекольдень шиня. А конашкава сон тейне лездсь Ефесса, тон сядонга лац содасак.

Иоаннонь омбоце сёрмац 1:7

Вдь масторлангса эвондась лама васькафнида, конат аф кемайхть Иисус Христость ломанень ронгса саманцты. Тяфта корхтайхне – васькафни ломатть и антихристт.

Иоаннонди панчф няйфкс 2:14

Но вов Монь мезе-бди ули тонь каршезт: тоса, тинь ётксонт улихть Валаамонь тонафтоманц коряс эряйхть. А Валаам тонафтозе Валаконь, кода Израилень эряйхнень сувафтомс пежес: ярхцамс сивольда, кона кантф озксказнекс аф афкуксонь шкайхненди, и усксевозь эрямс.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.