Павелонь васенце сёрмац Фессалоникав 4:5 - Од Соткс Новый Завет на мордовском-мокша языке 2016

⁵ и аф моли эсь визьксонь мялензон-арьсеманзон мельге, кода тиендихть Шкаень аф содай лия ломаньтналхне.

Павелонь васенце сёрмац Фессалоникав 4:5 交叉參考

Матфей 6:32

Тя афкуксонь Шкайти аф кемайхнень оцю пичефкссна. Тинь Менелень Алянте содасы: тейнть тя сембось эряви.

Лука 12:30

Вдь семботь тянь вешендьсазь тя масторлангонь ломаттне; а тинь Алянте содасы, мезе тейнть эряви.

Апостолхнень тевсна 17:23

Мзярда якамста ванондыне тинь озондома вастонтень, няень алтарьге, конань лангса тяштьф: "Аф содаф Шкайти". Вчёк тя Шкайть колга, конань тинь апак содак лувсасть, монь и мялезе азондомс тейнть.

Павелонь сёрмац Риму 1:24

Сяс Шкайсь кадозень синь аф арушис, визькс мялень топафнемас, тяфта синць максозь туткотксшити эсь ронгснон.

Павелонь сёрмац Риму 1:26

Тянкса Шкайсь и максозень синь визькс мялень топафтомать кядялу. Авась ава мархта прашенды визькс тевс, мезсь моли эряфонь койть каршес.

Павелонь сёрмац Риму 1:28

Сяс мес синь ашель мяльсна содамс Шкайть, Шкайсь синь максозень синцень шоряф ёньцнонды тиендемс сянь, мезе тиендемс аф мярьгондеви.

Павелонь васенце сёрмац Коринфу 1:21

Шкайсь няфтезе Эсь смузьшинц, но мзярда масторлангсь эсь смузьшисонза ашезе сода и ашезе шарьхкоде Шкайть, эста Шкайсь арьсесь идемс кемайхнень тя «ёньфтома» кулять вельде, конань минь пачфнесаськ.

Павелонь васенце сёрмац Коринфу 15:34

Сргозеда видешинь эряфти и лоткада пежень тиендемда. Вдь тинь ётксонт улихть стапт, конат аф содасазь Шкайть. Кода тейнть аф визькс!

Павелонь сёрмац Галатияв 4:8

Тяда инголи, мзярда тинь нинге ашесть сода Шкайть, тинь уледе урекс шкайхненди, конат прокс аф шкайхть.

Павелонь сёрмац Ефесу 2:12

Ся пингть тинь уледе Христосфтома. Тинь ашеде сувсе Израилень ломаньтналть лувксс. Тинь ашель пяльксонте тя сотксса, кона кирди Шкаень надияфтоматнень эса Сонь ломаньтналонцты. Тинь уледе тя масторлангса надиямафтома и Шкайфтома.

Павелонь сёрмац Колоссав 3:5

Сяс, кулофтость эсь эсонт сянь, мезсь масторлангонне: усксевомать, аф арушить, визькс мяльхнень, кяжи ёраматнень и ярмаконь кельгомать, кона фкя сяка аф афкуксонь шкаенди сюконямать-покодемать мархта.

Павелонь омбоце сёрмац Фессалоникав 1:8

юрнай тол потмоса. Эста Сон пандсы кяженц сятненди, конатнень ашель мяльсна содамс Шкайть и конат ашезь кулхцонда Пара кулять Иисус Христос Азороньконь колга.

Пёторонь васенце сёрмац 4:3

Ингольдень пингть тинь ни сатомшка эряде, кода Шкаень аф содай ломатть: тинь макссесть прянтень эрь кодама аф арушис, визькс мяльхненди (алятне аля мархта удомас, жувата мархта удомас, рдазу мяльс-арьсемас), тинь уледе симилакс, пекта вельф тетькикс и сюконякшнеде аф афкуксонь шкайхненди.