Usea 8:9 - Fanawbuid tagsibaliwas Fakayabian

⁹ Kanya fagayu kata way lang sik mela fag asnu tagsesadian ay malyaman sad talun. Kanya fagayu nanget gubuk sas Asirya ay namon famayad sat fagadgalangan fag ngay talun laman ggubuk anya.

Usea 8:9 交叉參考

2 Fun 15:19

Gina Tiglat-Pileser, Asirya at fun, nalao laman namawayan Israel, Menakem nafon anya tuluk safulu e limak fabudbungguan salapi laman kasadi sa anya ay kaaksvn nu gfunan sis Israel.

Isayas 30:2

Kanya fagayu glo wan sas talun Igiptu laman nanget gubuk sat fun, ay wa get gubuk sa angku.

Isayas 30:6

Katatuy Dius at foyungan sanya fag ngay mangilafang baliwa tagsis talun Negeb: Ngay taw Uda nalo sa sik talun maidap at dalan, ay e liun, ay e ngay ule ay dot kata tua nu glayug. Ay nafabuba at ngay fagmaramramanun sat ngay asnu ay kamelyu, laman famonun sa sik talun at ngay taw at yud mafagubuk anya nusdi alay.

Eremyas 2:24

Ay kata am tagsis talun fag asnu tina tagfangayuan yud e mafafaragang, ay asnu tama wa gidapan grvbvy. Ay masakit nu kalag gina gafaululun fag buknga.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 12:2

Usea nalong te, Yawi e ngay longan yangay laman sa sangay taw Uda, Akub at ngay sugfun. Ay gfaurianan ban anya fagayu aroro sat mauri fag ngay ugali, ay gfasud ban tagalvngvdan at nafakamulun.

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.