Usea 6:2 - Fanawbuid tagsibaliwas Fakayabian

² Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Usea 6:2 交叉參考

Fakasigadan 17:18

Ay Abrayam nalong sas Dius te, “Nu masine, Ismael yakman am fagfadanteun.”

2 Fun 20:5

“Afolii sas Esekyas, ku ngay taw at fun, ay longi anya te, ‘Katatuy am mangaguyang Dabid at Dius Yawi at longan: Nadungug au am darangin ay nalag au am liasun. Nu katanya, namafia au emu. Si bans fatuluk menit, makabangkad tuo, ay malao sas Yawi at bale.

Alubad. 61:7

Em Dius, kanya ban nangus gfunan gugat, ay wa kalyam sit amatanganan te, gfunan sim daga salubangan. Ay dirii anya siginan nu mafangesug o ay am fagmatuyanun.

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

Takamoyung 3:3

E buknga gfabul ay e buknga gfafia, e buknga giklas ay e buknga kawat.

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Usea 13:14

Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Usea 7:2

Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Uan 14:19

Wa ban glugo ya, tagste ban swa daga fag ngay taw ban sas fagdaul daga wa glag ya angku. Ay dewa katanya, am, lumag yay ban am angku. Ay aroro gleleg au, anggan ban am, gleleg yangay am.

Ruma 14:8

Kaduge tam gleleg, gleleg tam laman gfauseganan tam tam Fun, ay nu kabul watam, kabul tam laman gfauseganan tam tam Fun. Nu katanya, dewa tam gleleg ay dewa tam anbul, tam Fun tua tam at ngay taw.

1 Kurintu 15:4

Ay e nanamoli anya, ay sis fatuluk menit, Dius nafadog nafaleleg anya kata yangay at marirukan sis Dius at Longan.