Usea 2:9 - Fanawbuid tagsibaliwas Fakayabian

⁹ Nu katanya, gina ban fanggutluan gbul kyay ku nafon fag ngay rawvg ay fag fanlangu. Ay gbul kyangay ban ku nafon fag ngay lanbung at mawatan siginans tupa at sigyu, ay at masine fag ramit laman fantabun at fagmalulasanun.

Usea 2:9 交叉參考

Esekyel 16:27

Nu katanya, namaurianan kban emu ay namalay au am fagnangagbilugun fag talun. Namagbilug au emu sam ngay fawayan fag ngay taw Filistia. Kanya fagayu andulo yangay am ngay nafakamulun mauri.

Esekyel 16:39

Namon au emu sa sangay takesug emu. Ay kanya ban fag ngay taw nanrasras am nafawat fag ngay bale laman am fagnansegan am ngay fagsegan. Kanya ban fag ngay taw nanlulas emu ay namul am ngay famasine, ay gubun ban emu malulasan.

Esekyel 23:26

Ay kafag ngay taw ban nanlulas emu ay namul sim bilug fag ngay famasine at masine.

Daniel 11:13

Aroro tagsis fawalan fag alvngvdan fag fun gdog yay namaful ngayuk tagfawayan at kayuan ayu yap tua ebi taguna. Ay nandog namawayan gadgaloan ngayuk tagfawayan gbuba at ngay famawayan.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Usea 9:2

Dewa katanya, sa taguyan, naminan am ay ngay tanum ay anggan ay ngay fanlangu.

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Sefanias 1:13

Tiba ban ktaw nangago kafag ngay taw at fagagbilugun ay nangiklas at ngay bale. Bunwa ban kanya ya at namanwan sat ngay bale. Ay bunwa yangay ban kanya ya at nanginum at fanginum siginan at tanuman wat ubas.”

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”