Usea 14:2 - Fanawbuid tagsibaliwas Fakayabian

² Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Usea 14:2 交叉參考

2 Samwel 12:13

Nu katanya, Dabid nalong sas Natan te, “Anke asalanan au sas Yawi.” Ay Natan nabalus anya te, “Yawi nafalyam wan am ngay asalanan ay di ban o kabul.

2 Samwel 24:10

Dabid nafanawa nu ntabu nanginsaful ngay taw. Ay kanya nalong sas Yawi te, “Maksvn ku asalanan siginan ku nafakamulun takatanya. Nu katanya, Yawi, gfainfanyuan au sa emu te, falyami ku asalanan aroro ku nafakamulun kata way sik taw at yud e fagsafulun.”

Ub 7:21

Wain am fagyudun gfalyam ku asalanan? Wa glugo ya nu kabul au, ay dewa ban o grvbvy angku, wa ban o e lagan ya.”

Alubad. 119:108

Yawi, aylati ku fagusegananun sa emu, ay foyungi angku am ngay faugali.

Alubad. 50:14

Ku fakaylatun ay fanggalangun sa angku ay fagusegananun tua, ay nu gfafasludan am ay ngay fatuyanan sa angku, Tiba Tungud fag Dius.

Alubad. 51:16

Wa ngap o kaylat ngay fagirugun fag ngay fanggalangun. Nu kaylat di o, nafon kwa ro emu.

Alubad. 51:17

At matuyan fag fanggalangun laman sa emu, sik amatanganan takamababaun. Ay di o gaiyan am nafauri fag taw at naubun tua at ngay asalanan.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 6:7

Ay kanya nafatayuk kafag singsing afuy sa ku bibig ay nalong te, “Katsi nafatayuk kwan tuy fag singsing afuy sam bibig, nu katanya, wo e asalanan ya; nafalyam kwan.”

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Usea 12:7

Dius glong te, “Ngay tagfaebayad gananad kamuag. Kanya fagayu gagbilug at yud matuyan fag famabudbungguan.

Usea 5:5

Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Uel 2:17

Am fag ngay tagfon fanggalangun tagfakamulun sis Yawi at daga salubangan, waywayi sis buknga fagirugan ay Yawi at bale at tangbi ay darangini te, “Yawi, afanyui am fagagbilugun fag ngay taw. Lag kaylat kanya fagayu nu gafaplan ay nu gagbilugan tibak talun at ngay taw taglong te, ‘Dada wan ay Dius?’ ”

Unas 2:9

Dewa katanya, au ban nangalubad ktua sa emu sik mauseganan fag alubad. Ay namafasludan kban ku ngay fatuyanan te, namon au sa emu fanggalangun. Yawi, o wan ku tagfalangfe.”

Sakaryas 3:4

Nu katanya, tagbarita glong sa tibak tagbarita tagsit salubangan te, “Buli wan Uswe at lanbung.” Sanya ginan, tagbarita glong sas Uswe te, “Nabul kwan am ngay asalanan. Ay katsi, namasulun au sa emu at masine fag lanbung.”

Mateu 7:11

Dewa am sik ngay mauri fag taw, saful tuam gfon at masine sa ay sisian, ay ay Mama sas banwa gtungud yay nu gsaful gfon at masine sas nusnga sinu taget sa anya.

Lukas 11:13

Ay dewa am sik ngay mauri fag taw, saful tuam gfon at masine sa ay sisian, ay ay Mama sas banwa, gtungud yay nu gsaful gfon at Masine fag Falad sas nusnga sinu taget sa anya.”

Lukas 18:13

“Ay kafag tagbul famayad laman sas fun namalindug ngayayu siginan tibak taw ay wa gtangda, aroro kapla. Kanya grungan ay glong te, ‘Ku Dius, afanyui angku, aroro sik tagasalanan au.’ ”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Ruma 11:27

Katanya ku fatuyanan sanya fag ngay taw, gina kban nafalyam at ngay asalanan.”

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 10:4

Aroro baka tama at taguk ay kambing at taguk wa mafafalyam taw at ngay asalanan.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

1 Uan 3:5

Nasaful am te, Isus at fagindasugun, laman namalyam tam asalanan. Ay kanya di e asalanan.